Valbrosjyra som gjekk ut i samband med kyrkjevalet i haust vart berre sendt ut på bokmål. Kultur- og kyrkjedepartementet kritiserer no Kyrkjerådet for å ha brote mållova.
I eit brev til Kyrkjerådet peiker departementet på korleis dette enkelt kunne vore løyst ved at minst 25 prosent av teksten i brosjyra hadde vore på nynorsk.
Departementet meiner dessutan at Kyrkjerådet heller ikkje har 25 prosent nynorsk i det totale informasjonstilfanget sitt, slik mållova krev, melder NRK.
Direktør i Kyrkjerådet, Jens-Petter Johnsen, seier manglande nynorsk i valbrosjyra skuldast tidsnaud og tekniske vanskar. No lovar han at Kyrkjerådet skal gjere det dei kan for å følgje 25-prosentregelen.
