Talet på studentar som søkjer seg til lærarskulane har auka med nesten 50 prosent sidan rekrutteringskampanjen “Har du det i deg” starta i 2008.
Tal offentleggjort på regjeringa.no syner at det no er 2 131 fleire som søker seg til lærarutdanninga no enn i 2008.
– Vi er svært nøgde med at lærarjakta har gitt resultat. GNIST-partnarskapen og kampanjen ”Har du det i deg?” har utan tvil bidrege til dette, seier Tora Aasland, statsråd for forsking og høgare utdanning.
Kampanjen har hatt som målsetjing å auke statusen til læraryrket og få fleire til å søke seg til lærarutdanninga. I år vil det bli øyremerkt 375 nye studieplassar til lørarutdanninga.
