Trass i at flytrafikken er innstilt opnar landsmøtet til Noregs Mållag på Stiklestad Hotell i dag.
– Eg er imponert over utsendingane som på svært kort varsel fann fram alternative reiseruter.Å setje seg i ein bil og køyre frå Agder til Nord-Trøndelag for å vere med på landsmøtet vitnar om ståpåvilje, seier Håvard B. Øvregård, leiar i Noregs Mållag i ei pressemelding.
Han måtte sjølv setje seg i bilen onsdag kveld og køyre i 16 timar for å nå fram.
Landsmøtet skal mellom anna drøfte korleis ein kan styrke nynorsken i barnehagen og målbyte. I tillegg vil blant anna Ottar Grepstad legge fram Språkfakta 2010. Jens Kihl er innstilt som nestleiar til styret i Noregs Mållag.
Les programmet her.
