Det er framleis usikkert kven som blir ny direktør i Språkrådet etter Sylfest Lomheim.
Lomheim går av som direktør i slutten av denne månaden. Etter at styreleiar i Språkrådet, Ida Berntsen har trekt seg er det no nestleiar Magni Øvrebotten som er fungerande styreleiar. Ho seier til Dag og Tid at ein no har dårleg tid.
– Me har ikkje uttalt oss om kandidatar. Det eg veit per i dag er at det framleis vert leita etter kandidatar, seier Øvrebotten til Dag og Tid.
Ho veit ikkje om det stemmer at kulturministeren no forlangar at det blir ein kvinneleg bokmålsdirektør.
– Ikkje det eg veit. Sjølv har eg tenkt at det er greitt at det vert ein bokmålsdirektør no når me har hatt ein nynorskdirektør i nokre år. Meg veit ingenting om kor viktig det er med språk, kjønn og alder. Me har ikkje fått noko signal om det.
Øvrebotten håpar den nye direktøren er på plass så snart som råd og helst før jul. Ho legg også vekt på at den nye direktøren ikkje treng vere ein Lomheim-kopi, men at den personen som tek over må kunne medverke til ein levande debatt om norsk språk.
