Kommunar som er styrt av venstresida, prioriterer barnevern høgare enn borgarleg styrte kommunar. Det viser ei undersøking gjort av Telemarksforskning.
Interesseorganisasjonen til kommunane, KS, har bestilt rapporten for å finne ut kva barnevernet kostar kommunane, og korleis utviklinga har vore.
Tala viser at norske kommunar i fjor brukte 6,1 milliardar på barnevern. I rapporten står det at det i barnevernet er lokalt spelerom, både for å drive godt og mindre godt barnevern. Dette blir demonstrert ved at nivået på frie inntekter og politiske forhold i kommunestyret påverkar prioriteringa av barnevernet.
Regjeringa lova 400 nye jobbar i barnevernet i år, men kommunane brukar pengane på andre måtar.
– Dette er for dårleg. Me er svært langt unna måla me sette for nye stillingar i det kommunale barnevernet, seier barne, – likestillings- og inkluderingsminister Audun Lysbakken (SV) til Bergens Tidenes nettutgåve.
Tal frå departementet viser at norske kommunar berre har oppretta 109 nye stillingar. (NPK)
