Heim Nyhende Lektorar vil ha debatt om sidemål

Lektorar vil ha debatt om sidemål

Nesten halvparten av norsklektorane meiner sidemålsundervisninga kan reduserast, viser undersøking.

 

– Svara kan tyda på at vi treng ei ny debatt om statusen til sidemålet, for her ser eg nokre overraskande og tydelege signal både i talmaterialet og i kommentarane til undersøkinga, seier leiar i Lektorlaget, Gro Elisabeth Paulsen til Lektorbladet.

LES OGSÅ: – Meir sidemål fungerer betre enn fritak

Store arbeidsmengder
I spørjeundersøkinga som blei gjennomført blant 200 norsklærarar i januar i år, kjem det fram at 70 prosent av lærarane meiner arbeidsmengda er for stor. Sidemålsundervisninga er det området dei fleste vil skjera ned på. Så mykje som 45,5 prosent av norsklektorane meiner sidemålsundervisninga kan reduserast.

Det overraskar også leiaren i fagutvalet for norsk, Astrid Weel Sannrud.

– Det er oppsiktsvekkjande at 55 prosent synest sidemålsundervisninga er viktig eller svært viktig, medan heile 30 prosent synest ho er lite/svært lite viktig, skriv ho i ein kommentar til undersøkinga.

LES OGSÅ: Vil ha halve pensum på nynorsk

Ikkje negative til nynorsk
Ho meiner resultatet heng saman med at mange lærarar synest arbeidsmengda i norskfaget er stor og ikkje at lærarane har noko imot nynorsk.

– Oppfatninga vår er at dei fleste lærarane har hatt eit oppriktig ønske om å få elevane til å forstå den viktige historiske rolla til nynorsken og læra dei å beherska målforma, skriv ho.

Med tanke på den store arbeidsbøra til mange norsklærarar, meiner ho likevel det er «nødvendig med en bred, uhildet debatt om sidemålsopplæring, sidemålsvurdering og arbeidsbyrde i faget» (©NPK).

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Vi treng eit nynorskløft i lærarutdanningane

I dag er det beint fram tilfeldig om ein student går ut av lærarutdanninga med kunnskap og kompetanse til å gje nynorskelevane ei god...

Ola Borten Moes handlingsplan for norsk fagspråk møter kritikk

Handlingsplanen til regjeringa for norsk fagspråk møter kritikk frå professor som meiner regjeringa prioriterer det norske språket over kvalitet i forskinga. – Engelsk er språket...

Framtida Junior er årets nynorskbrukar

Framtida Junior fekk prisen "Årets nynorskbrukar 2023" for å bryte veg for meir nynorsk på digitale medieflater og for å skrive om varierte emne...
Mindre lokalt - meir sentralt: Frå Radiohuset til NRK på Marienlyst i Oslo. Foto: Wikipedia

NRK oppfyller ikkje nynorskkravet – framleis for lite nynorsk på nett og radio

Andelen nynorsk i NRK har auka noko, men det er framleis eit stykke igjen til målet, viser Medietilsynets tilsynsrapport for fjoråret. Direktør Mari Velsand i...