Samlagets gule ordliste, Nynorsk ordliste, kjem no i digital utgåve på internett.
Forlaget vil tilby ordlista som gratisteneste ut året. I første omgang er ordlista lagt ut som ei rein nett-teneste, men som seinare også vil omfatte ei eiga programvarepakke med utvida funksjonalitet.
«Hellevik», som ordlista gjerne blir kalla etter no avlidne ordlisteforfattar Alf Hellevik, er ein klassikar blant ordlistene. Papirutgåva har ifølgje Samlaget selt i rundt 2,5 millionar eksemplar sidan førsteutgåva kom i 1938.
Den digitale utgåva byggjer på den tiande og siste utgåva av papirversjonen frå 2005, som var redigert av Kåre Skadberg og Aud Søyland. (NPK)
