13 – 17 oktober går Litteratursymposiet i Odda av stabelen. Dette året med smuss på programmet.
Blant anna kan du denne helga bli med inn i Frode Gryttens univers og det mytiske Odda. I Bikubegang får publikum ei vandring i det litterære og det heilt konkrete Odda med opplesingar undervegs. Grytten startar byvandringa utanfor Murboligen og stoppar ved fleire sentrale punkt i Odda.
I fylgje leiaren for Litteratursymposiet, Marit Eikemo, er smuss det skitne og det ureine, bråk og røyk frå industrihistoria. Samstundes som det også er eit anna ord for det tradisjonelt låge i kulturen og kunsten, det enkle og billige. Ikkje minst blir det under Litteratursymposiet eit eige smusforedrag av Kjartan Fløgstad der Fløgstad vil framføre eit nyskrive essay om skilnaden på høg – og lågkulturen. Og der han tek eit oppgjer med elitens forestillingar om den smaklause populærkulturen.
Til Litteratursymposiet kjem også blant andre Hanne Ørstavik, Cathrine Sandnes, Dag Solstad, Ragnar Hovland, Agnes Ravatn og Einar Økland. Les programmet her.
