Jan Roar Leikvoll er tildelt Stig Sæterbakkens minnepris.
Juryen kallar Leikvolls tre bøker Eit vintereventyr (2008), Fiolinane (2010) og Bovara (2012) “ eit nødvendig humanistisk prosjekt.” Og vidare:
– Hans foreløpige forfattarskap er eit av dei mest gjennomførte og unike prosjekta i norsk samtidslitteratur. Det er med stor spenning me ser frem til årets utgiving, Songfuglen, og Jan Roar Leikvolls vidare forfatterskap.
– Sidan han vart fødd, har Jakoba levd som ei jente. Han har vakse opp hos mor og tante i ein by der det berre bur kvinner. No er han i ferd med å bli ein ung mann, og han får kjensler for ei jente. Det blir stadig vanskelegare å halde løyndommen skjult, men kanskje talentet kan redde han: Ingen syng så vakkert som Jakoba, og han begynner i lære hos den beste songlærarinna i byen. Samstundes, på andre sida av juvet, djupt inne i skogen, truar brøla frå mennene, skriv juryen om den komande boka Songfulen.
Stig Sæterbakkens minnepris vert delt ut årleg. Prisen på kr.100.000 går til ein forfattar med overbevisande litterære kvalitetar, originalitet og mot til å skape sine eigne prosjekt, og forfattaren bør ha gitt ut mellom 2-4 skjønnlitterære bøker. I juryen sit : Ane Nydal (kritiker), Markus Midré (forfatter) og Nina Ewart (bibliotekar)
