Heim Nyhende Lokalavis byggjer TV-studio

Lokalavis byggjer TV-studio

Hallingdølen innreier virtuelt studio i den gamle trykkehallen og tilbyr kundane full mediepakke.

 

Ivar Myklebust Longvastøl, Nynorsk avissenter

– Vi byggjer opp eit nytt forretningsområde, fortel ansvarleg redaktør Bjarne Tormodsgard.

I første etasje i mediehuset på Ål har held Erlend Hagen og Oddmund Reisæter Haugen til. Dei arbeider på heiltid med å utvikle Hallingdølens satsing på levande bilde og nett-TV, og vidare mot det som skal bli eit nytt forretningsområde for ei tradisjonell avis i endring.

Den første, store testen vart gjennomført i april, der mediehuset i Hallingdal tok på seg store delar av Liatoppen Skiskytterfestival – presentert som verdas største skiskyttarrenn for born og ungdom.

Hallingdølen hadde ansvar for arenaproduksjon, web-TV, program, heimeside og utvikla ein eigen app for festivalen, med alt frå informasjon, løypeoversikt, parkeringsbillett og tilgang til sendingar og bildegalleri.

Full mediepakke, med andre ord.

Hallingdølen hadde 32 personar i sving på arenaen, med prosjektleiar Erlend Hagen i spissen og mellom andre Odd-Bjørn Hjelmeset som gjesteprogramleiar. Avisas eigen journalist Magnus Lindahl var programleiar og intervjuar.

Sjekk sjølv: http://liatoppenskiskytterfestival.no/

Erfaringane frå Liatoppen vert no brukt vidare. Kommune- og fylkestingsvalet 14. september er neste store satsing, i samarbeid med Radio Hallingdal og NRK Buskerud.

Valnatta sender Hallingdølen direkte frå sitt splitter nye virtuelle studio(virtuell tyder del av røyndomen som kan etterliknast med datateknologi), innreia i den gamle trykkehallen i mediehuset. Her skal redaksjonen også ha verbale duellar mellom aktuelle ordførarar før valet. Avisa vert i dag trykt på Lillestrøm.

Hallingdølen er halvvegs i utviklingsprosjektet over to år. Innovasjon Norge støttar nyskapinga og satsinga er også del av eit EU-prosjekt.

– Vi utviklar oppdragsproduksjon som eit nytt forretningsområde, seier redaktør Tormodsgard.

Hallingdølen har 15 tilsette i redaksjonen og seks-sju grafikarar. Dei fleste aviser kvittar seg med eigne grafikarar, men i Hallingdølen er målet å halde på dei og gje grafikarane nye oppgåver.

– Utan grafikarkunnskap kunne vi ikkje ta på oss oppdrag som Liatoppen Skiskytterfestival, seier redaktøren.

LES OGSÅ: Tormodsgard: Gjer det enkelt: gjer det sjølv!

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...

Unikt Aasen-materiale publisert på nett

Boksamlinga etter Ivar Aasen inneheld omlag 2 500 bøker. I januar i år tok Nynorsk kultursentrum til på arbeidet med å gå gjennom alle...