Politiet i Hordaland får ikkje lenger lov å skrive bokmål på den sosiale nettstaden Twitter.
– Vi vil innrette oss slik at vi etterlever gjeldande regelverk, seier politimester Geir Gudmundsen til Bergensavisen.
Ein askøyværing klaga til Språkrådet på at politiet sin operasjonssentral i Hordaland bryt mållova i sosiale medium. Operasjonssentralen har over 16 500 følgjarar.
Dei aller fleste meldingane er på bokmål, berre i dag har Politiet i Hordaland lagt ut 20 twittermeldingar, og alle på bokmål. Noko som har fått både Språkrådet og Kulturdepartementet til å reagere.
– Sidan Hordaland politidistrikt har eit geografisk tenestedistrikt med nynorsk som fleirtalsmål, skulle alle desse meldingane vore skrivne på nynorsk, skriv departementet i et brev til Språkrådet.
Utgangspunktet er at mållova gjeld for sosiale medium, som for alle andre skriftlege kommunikasjonsformer.
