Heim Nyhende Målpris til Mette Karlsvik

Målpris til Mette Karlsvik

Forfattar Mette Karlsvik får målprisen frå Nordmøre mållag.

Karlsvik får prisen fordi ho har vore aktiv forfattar og journalist sidan 2005 og valde å skrive på nynorsk sidan debutboka. Det var romanen «Vindauga i matsalen vender ut mot fjorden», ei kort bok med eit sårbart tema, anoreksi. For den fekk ho Tarjei Vesaas‘ debutantpris, heiter det i grunngjevinga. 

Mette Karlsvik er fødd i 1978 og er oppvaksen med bokmål på Frei. Ho har også ein brei bakgrunn som kunstnar.  Dei to siste åra på vidaregåande var ho ved ein internasjonal skule i Fjaler. Seinare tok ho utdanning som biletkunstnar og journalist.

Etter debuten har ho skrive fleire romanar, noveller og essayistiske tekstar. Ho har vore vikarjournalist i fleire aviser. I 2011 fekk ho Sigmund Skard-stipend, vart nominert til Brageprisen og i 2012 vart ho den første som fekk Stig Sæterbakkens minnepris.

– Mykje kan tyde på at nynorsk har gjeve ho det verktyet ho trong for å utvikle seg som nyskapande diktar. Vi ønskjer Mette Karlsvik til lykke med målprisen, melder Nordmøre Mållag.

Prisen vart delt ut på Kryp, ei litterær tilskiping på Kristiansund bibliotek laurdag kveld.

NYNORSK INSPIRASJON

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

MEST LESE

Årsrapport for LNK 2023–2024

Annakvart år, i samband med årsmøtet og landstinget i LNK, legg organisasjonen fram ei fyldig årsmelding og revidert rekneskap for dei siste to driftsåra....

Mållaget jublar: SV vil gjere språklova betre for nynorsken

SV har fremja ei rekkje forslag i Stortinget som vil gjere den nye språklova betre for nynorsken. – SV tar ansvar for å rydde...

Velkomen til landstinget til LNK! Sjå programmet og meld deg på her!

Statssekretær Trude Storheim (Ap) og direktør i Språkrådet Åse Wetås kjem saman med ei rekkje andre interessante innleiarar til landstinget til LNK 3.-4. juni...

Debatt: Lærarar som ikkje kan skrive nynorsk

Mange norsklærarar seier sjølve at dei ikkje er godt nok rusta til å undervise i nynorsk som sidemål. Det er djupt alvorleg. Universitet og...