Heim Nyhende Målungdommen sin nynorsk-VG stengt av VG

Målungdommen sin nynorsk-VG stengt av VG

VG meiner Målungdommen sin nynorskkampanje bryt med deira rettar og truga med søksmål.

 

«VG stengde denne sida. Her kunne du før lese VG si nettavis på nynorsk. Innhaldet er no fjerna etter press frå VG,» er teksta som no møter publikum på nettsida nynorskvg.no.

I 2010 lanserte Norsk Målungdom nynorskvg.no og nynorskdb.no, som ein del av kampanjen «Slepp nynorsken til».

Målet var å få meir nynorsk i riksmedia. Målungdommen argumenterer med at det er «feil å kalle seg ei riksavis som skal ha nedslagsfelt over heile landet og samstundes ha forbod mot eit offisielt norsk språk som ein halv million nordmenn nyttar dagleg».

Dagbladet fekk stengt sin nynorskversjon kort tid etter han vart oppretta, medan VG den gongen reagerte med eit skuldertrekk. 

Her kan du lesa kva både Dagbladet og dåverande ansvarleg redaktør for VG Nett, Espen Egil Hansen, hadde å seia om saka i 2010.

Truga med søksmål
Ansvarleg redaktør i VG, Torry Pedersen, meiner det er openbart at sida bryt med alle elementære reglar for publisistisk verksemd.

Då Framtida måndag kontakta Pedersen, svarar han i ein e-post:

– Me har oppmoda dei om å avvikla sida, då den står fram under VGs varemerke, og er basert på maskinell omsetting. Slik den står fram bryt den openbart med VGs rettar.

Leiar i Norsk Målungdom Synnøve Marie Sætre stadfestar overfor Framtida.no at dei same dag vart kontakta av redaksjonssjef Arnstein Johansen.

– Me fekk beskjed om at sida måtte leggjast ned med ein gong, elles ville dei saksøkja oss. Dei meinte det var eit brot på åndsverklova og øydela VG sin merkevare, fortel Sætre.  

Målungdommen følgde oppmodinga og tok ned sida med det same.

VG slår hardt ned på misbruk
Redaksjonssjef i VG, Arnstein Johansen, stadfestar i ein e-post til Framtida.no at dei sa til Målungdommen at dei ville forfølgja saka juridisk, om ikkje sida nynorskvg.no vart fjerna med det same. 

– Dette er fast praksis når me vert utsett for misbruk av vår logo og merkevare, forklarar Johansen. 

LES OGSÅ: Første Nintendo Wii U-spel på nynorsk

Han fortel at dei nyleg har meldt ein nettaktør både til politiet og forbrukarmyndigheitene, og vil slå hardt ned på alle som misbrukar VGs gode namn og rykte, anten motivet er økonomisk svindel eller ideologiske kampsaker.

– Eg er overraska over at ein presumptivt profesjonell samfunnsaktør som Målungdommen har vist så lita innsikt i og respekt for åndsverkslov og opphavsrett i dei fem åra misbruket skal ha gått føre seg, skriv Johansen, som no gler seg over at dei tok saka på alvor og at sida no er historie.

Vil halda fram kampen
Sætre medgjev at den automatiske omsetjinga ikkje gav eit godt språkleg resultat.

– Frå vår side var det berre ein gimmick for å visa at me ynskjer at nynorsk skal få sleppa til i avisene. Me vil halda fram kampen for nynorsk i VG og Dagbladet, men på andre måtar, seier Sætre.  

Ho meiner VG likevel fortener skryt for å ha skrive saka om at prinsesse Ingrid Alexandra sitt sidemålsfritak på nynorsk.

LES OGSÅ: Røe Isaksen: – For lite nynorsk i riksmedia

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Alt gjer seg betre på nynorsk

Prisvinnar Øystein Furevik gir folk nynorsk i ei verd prega av engelsk. For han er nemleg alt betre på nynorsk. – For meg er nynorsk...

Nynorsk kultursentrum stiller opp for Det Norske Teatret

Det Norske Teatret troppa opp på Festspela for å lansere si nye kampanje for å tette finaniseringsgapet som har utvikla seg samanlikna med Nathionaltheatret....

Nynorsk barnelitteraturpris til Markus Lantto og Camilla Kuhn

Forfattar Markus Lantto og illustratør Camilla Kuhn har fått Nynorsk barnelitteraturpris 2022 for boka Kåre og Marimba hjelper til gjeven ut på Samlaget. – Juryen...

Ber storsamfunnet syta for at retten til eige språk og kultur er reell

Landstinget til LNK Nynorskkommunane kom med støtte til samar, kvener, norskfinnar og skogfinnar. – Me i LNK Nynorskkommunane var samla til landsting same dag som...