Heim Nyhende Mange små kommunar budsjetterer med underskott

Mange små kommunar budsjetterer med underskott

Heile ein av fem norske kommunar har budsjettert med underskott i 2011. Dei små kommunane er det flest av i denne kategorien.

Det er KS, kommunane sin interesse- og arbeidsgjevarorganisasjon, som har gjort undersøkinga rundt 2011-budsjetta til 283 kommunar.

– Typisk for kommunar som budsjetterer med underskott er at folketalet går ned. Det betyr nedbygging av institusjonar, og det er vanskeleg, seier Helge Eide, som er direktør for interessepolitikk i KS, til Nationen.

Kommunane som er med omfattar 75 prosent av folketalet. Grovt sett vil kommunane halde fram med å bygge ut tenestetilbodet, og stort sett drive vedlikehald som før. Men dei set av litt mindre til investeringar i 2011.

Tala viser også at 80 prosent av kommunane budsjetterer med positivt netto driftsresultat for 2011, 13 prosent av kommunane budsjetterer med netto driftsresultat over dei tilrådde tre prosentane. 20 prosent av kommunane budsjetterer med underskott – negativt netto driftsresultat – og i denne gruppa er altså små kommunar overrepresentert.

Kommunesektoren er elles prega av sterk vekst dei siste åra.

– Finanskrisa ramma privat sektor, seier sjefsøkonom Per Richard Johansen i KS.

Ei oversikt over kommunane sin økonomi viser at dei har auka inntektene, men fått avgrensa handlingsrommet.

– Kommunane må stramme inn på utgiftene til drift og investeringar i åra som kjem, om ikkje vil gjelda stange opp mot 160 prosent av driftsinntektene, seier Johansen.

Førre artikkelVil ha meir språkrøkt
Neste artikkelTar attval

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Språkrådet ber avisene sikre nynorskdelen i framtida

Nynorskavisa Kvinnheringen kan publisere Amedia-tekstar og meiningsinnlegg på bokmål, men trur ikkje dei vil skrive mindre nynorsk framover. – Det som overraska mest var nok...

Litteraturbåten Epos inviterer til litteraturcruise i Hardanger heile sommaren!

No kan du bli med den gamle bokbåten på tur blant bøker, bølger og bygder i Hardanger! Den 61 år gamle båten Epos har vore...

Nynorsk litteratur der ute – og heim igjen

Korleis har litteratur på mindretalsspråket nynorsk enda opp med å vinne internasjonale prisar? Og kvar går vegen vidare? Dette er nokre av spørsmåla du kanskje...

Nynorsk og bokmål må inn i Grunnlova

Det er på høg tid å grunnlovfesta norsk som nasjonalt hovudspråk i Noreg og grunnlovfesta jamstillinga mellom bokmål og nynorsk. Den formelle likestillinga mellom bokmål...