Heim Nyhende Meiner Noreg bør få fleire regionar

Meiner Noreg bør få fleire regionar

Regjeringa og samarbeidspartia vil redusere talet på kommunar kraftig. Ap-strateg Norvald Mo vil ha både fleire kommunar og erstatte dei 19 fylka her i landet med eit femtital regionar.

 

Mo meiner det bør vere like mange som, eller fleire kommunar enn i dag, og at desse bør ta seg av velferd og andre tenester som er nært på innbyggjarane. Han meiner eit kommunenivå som ligg tettare på kommunekvardagen, vil løyse dei utfordringane kommunesektoren har i dag, skriv Klassekampen.

Dei nye og mange fleire regionane bør ha spesialiserte funksjonar og planarbeid, meiner han. Mo meiner også at staten bør ha færre oppgåver enn i dag og styre gjennom rammetilskot, ikkje øremerking.

– Dei kan ta seg av oppgåver som er for store for kommunane, men likevel stå nærmare folks kvardag enn store regionar vil gjere, seier han.

Regjeringa og samarbeidspartia er samde om å gjennomføre ein omfattande kommunereform der målet er å redusere talet på kommunar kraftig. Stortingsfleirtalet meiner at ein derfor må sjå på regionnivået – fylka. Mens Høgre og Frp eigentleg ønskjer å legge ned heile fylkesnivået, vil dei andre partia behalde dette nivået.

Kommunalminister Jan Tore Sanner (H) får 17. november ei utgreiing om korleis regionnivået kan sjå ut i framtida, og kva for oppgåver dette nivået kan ha. (©NPK)

NYNORSK INSPIRASJON

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

MEST LESE

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Nynorskhuset: Det nye, nynorske fyrtårnet

Denne helga opnar Nynorskhuset i Førde. Målet er rett og slett å bli eit nasjonalt kraftsentrum for språk og kultur. – Sogn og Fjordane er...

Nynorskbrukarar flest kjenner seg aksepterte og stolte – men 1 av 6 har fått negative tilbakemeldingar det siste året

Over 16 prosent av nynorskbrukarane har fått negative tilbakemeldingar for språkbruken sin det siste året. To tredjedelar av nynorskbrukarane er heilt einige i at dei...

Slutten for Ålesund som nynorskkommune: – Frykteleg synd

Ålesund har vore den største nynorskkommunen i landet sidan 2019. No vil det nyvalde fleirtalet i kommunestyret at kommunen skal bli språknøytral. Det skriv NRK...