Regjeringa foreslår å auke overføringa til kommunane av inntektene frå salet av oppdrettskonsesjonar med 301 millionar kroner til i alt 482 millionar kroner i det reviderte statsbudsjettet.
Bakgrunnen for auken er at staten fekk mykje meir enn venta for dei siste 15 av dei i alt 45 grøne oppdrettskonsesjonane, som dei auksjonerte bort i ein lukka bodrunde. Det samla vederlaget for dei 15 konsesjonane var på 904 millionar kroner, seks gonger meir enn prisoverslaget på 150 millionar.
Dermed kan regjeringa auka overføringa til vertskommunane for dei nye konsesjonane, som i statsbudsjettet har vore sett til 40 prosent av salsinntektene.
Dei samla inntektene frå konsesjonssalet er på vel 1,2 milliardar kroner. (©NPK)
