Fosseheimen Naturpark i Gloppen kommune fekk i dag tildelt Bygdeutviklingsprisen for 2012 av Innovasjon Norge.
Prisen er på 50 000 kroner og vart delt ut under fylkestinget i Sogn og Fjordane sitt tingsete i Balestrand i dag, melder avisa Firda.
I grunngjevinga vart det lagt vekt på at Fosseheimen har eit breitt tilbod av natur- og dyreopplevingar og at naturparken samarbeider tett med 4H og andre lokale tiltak.
– Denne bedrifta er eit døme på ei vellukka etablering som gir vinn-vinn effekt, sa juryleiar Jenny Følling under utdelinga.
Fosseheimen Naturpark er besøksgard i tillegg til å kunne tilby aktivitetar som jakt, fiske og rideleir.
