Rød Ungdom politimelder no Liv Signe Navarsete etter at ho fekk eit eit armbånd til ein verdi av minst 26.000 kroner frå Aker Yards.
Navarsete fekk armbandet etter at ho døypte ei ferje.
– Grunnen til at me melder Navarsete er at denne saka er veldig alvorleg. Ho har motteke ei svært dyr gåve frå eit selskap som er blant dei største innan området ho hadde ansvaret for.Eg skjønar ikkje kvifor Aker Yards gir ei såpass dyr gåve utan å vente noko igjen for det. Me ynskjer at politiet undersøkjer om ho har brutt straffelova §276a som handlar om korrupsjon, seier leiar i Rød ungdom, Iver Aastebøl, til ABC Nyheter.
– Navarsete seier det er heilt vanleg å få «dåpsgåver», og det stemmer nok, men spørsmålet er om det er vanlig å få dåpsgåver til 26.500 kroner, seier Aastebøl.
Navarsete ynskjer ikkje å kommenentere saka.
– Det er ikke naturleg for meg å kommentere dette utover å vise til kva eg tidlegere har sagt om mitt forhold til Aker-systemet, skriv Navarsete i ei tekstmelding til ABC Nyheter.
– Eg var oppteken av å fylgje skattereglane då eg fekk dette armbandet i gudmorgåve ved ein skipsdåp medan eg var Samferdsleminister i november 2006. Armbandet vart gitt på eit offisielt arrangement.
