Produksjonen av ein ny raudost er i full gang ved Tine Lom og Skjåk.
I førre veke var marknadsansvarleg frå Tine på plass i ysteriet for å sjå på produksjonen av den nye brunosten som etter planen skal ut på marknaden i februar, opplyser lokalavisa Fjuken på sine nettsider.
Tine-leiinga vil ikkje røpe namn eller design på den nye raudosten, men håpar at osten skal bli den nye kvardagsosten for folk. Smaken ligg ein stad millom fløytemysost og vanleg G35, og namnet vil avspegle dette.
– Den nye raudosten er god, sa både ordføraren i Skjåk, Rolv Kristen Øygard, og varaordførar i Lom, Anne-Lise Marstein, til Fjuken etter ei prøvesmaking.
Meierisjef Jens Hagen er spent på kva Arne Brimi kjem til å meine om osten. Brimi sto hardt på i kampen mot nedlegging av ysteriet. Tine bestemte seg for å halde på produksjonen av raudosten i Ørsta, Skjåk og Lom i mars i år etter fem år med utgreiingar og vurderingar.
Målet er å produsere 500 tonn årleg av den nye brunosten. Grenseysteriet skal framleis produsere den prisvinnande G35 og Heidal Mørk.
