Heim Nyhende Ny språklov krev at også fylka svarar på målforma til brukaren

Ny språklov krev at også fylka svarar på målforma til brukaren

 
Kulturminister Abid Raja (V) har presentert forslaget til ny språklov. Den nye lova vil mellom anna krevja at fylka svarar på målforma til brukaren.

– I dag skriv me språkhistorie, innleidde kulturministeren tysdag.

For første gong skal Noreg ha ei enkelt lov som styrer språkpolitikken til det offentlege. Det tyder mellom anna ei strengare linje for namn på statlege organ.

– Namn på statsorgan skal finnast på norsk og vera rett skrivne, skriv departementet i ei pressemelding.

Dette får likevel ikkje tilbakeverkande kraft, som tyder at institusjonar som Oslomet kan halda på namna sine.

Fylkeskommunane får nye krav

Offentlege organ får òg eit særleg ansvar for å fremja nynorsk. I tillegg skal fylkeskommunane no få eit krav om å svara på brev og meldingar på målforma til avsendaren.

– Dei språklege rettane til både bokmålsbrukarar og nynorskbrukarar blir styrkte, heiter det i pressemeldinga.

Raja meiner koronapandemien og stenginga av Noreg har understreka kor viktig tydeleg språk frå det offentlege er.

– I den krisesituasjonen me er inne i no, har fleire enn eg vorte ekstra merksame på kor viktig eit godt og klart norsk språk er for tillit og informasjonsflyt mellom innbyggjarane, fagpersonar og styresmakter, seier Raja.

Anerkjenner samisk og norsk teiknspråk

I forslaget til språklov blir anerkjent samiske språk som likeverdige med norsk. I tillegg kjem det krav om at offentlege organ skal verna kvensk, romani og romanes.

Norsk teiknspråk skal anerkjennast som nasjonalt teiknspråk.

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Telemark fylkeskommune skal bruka minst 40 prosent nynorsk

– Eit godt og forpliktande vedtak, seier Noregs Mållag. Telemark fylkeskommune skal vera språkleg nøytralt og bruka minst 40 prosent nynorsk, har det nyleg blitt...

Desse endringane kan kome for nynorsken

Eit nytt spørjeord og nye kjønn på substantiv er noko av det Språkrådet har føreslått. Du har kanskje fått med deg at Språkrådet ønskjer at...

Alle nye lover bør kome på nynorsk!

Det er nynorsken sin tur til å bli favorisert i lovtekstane. Nynorskprosenten må opp. Når Stortinget vedtek ei lov, er ho skriven anten på bokmål...

NRK klarte ikkje nynorskkravet på radio og nett

NRK klarte nynorskkravet på TV, men ikkje radio og nett. Norsk Målungdom etterlyser fleire nynorskjournalistar. NRK har eit krav om 25 prosent nynorsk på kvar...