Heim Nyhende Voss: Ny vår for nynorsken

Voss: Ny vår for nynorsken

Voss bibliotek har fått 100 000 kroner av Fritt Ord for å setje den nynorske kvinnestemma på dagsorden. 

Kvar veke viser vi deg eit glimt frå ein av kommunane som er med i LNK.

Denne veka: Voss

Voss

Nytt frå Voss:
Tre gledelege millionar

Aktuelle lenker:
Voss kommune
Voss bibliotek på Facebook

 

Neste år er det 200 år sidan Ivar Aasen vart fødd, og det er 100 år sidan kvinner fekk stemmerett her i landet. Desse to jubilea kunne godt la seg kombinerte, tenkte Voss bibliotek, og slik vart Nynorsk damevår til.

– Vi synest det var naturleg å framheve dei kvinnelege forfattarane i dette kvinneåret, og skal no ha besøk av fem nynorskforfattarar våren 2013, forklarar biblioteksjef Inger Dyrnesli.

Desse fem skal snakke om litteratur, men også om andre tema som er naturlege i forhold til forfattarskapen deira. Forfattarane er Aina Basso, Olaug Nilssen, Arnhild Skre, Karin Moe og Marta Norheim. Første besøk blir i januar, og sidan går det slag i slag ut over våren.

Samarbeider lokalt

Biblioteket skal samarbeide med bokentusiastane i leseklubben Lesehug om Nynorsk damevår. Det er biblioteksjefen glad for.

– Lesehug kom til oss ein dag og bad om å få vere med på å skipe til litterære arrangement. Det var eit tilbod for godt til å seie nei til.

Biblioteket har hatt eit prosjekt i heile 2012 som handlar om å samarbeide med lokale organisasjonar og institusjonar.

Det har resultert i ulike tiltak som forfattarbesøk i samband med poesifestivalen i Ulvik, fleire skulebesøk og foredrag med nynorske litteratur som gjennomgangstema.

Meir for dei små

Dyrnesli og kollegaene gler seg dessutan over lokalane biblioteket har fått i det nye kulturhuset på Voss.  No har biblioteket rom for slike arrangement, og det kjem vel med for ein organisasjon med høg aktivitet.

Inger Dyrnesli seier den nynorske litteraturen har eit godt fotfeste i Voss, men ønskjer seg meir litteratur for dei yngste.

– Det er litt trist når dei yngste som  nett har lært seg bokstavane kjem på biblioteket for å lese, og så kan vi nesten berre tilby dei bøker på bokmål.

Det er for lite bøker på nynorsk for dei minste, meiner biblioteksjefen på Voss. 

NYNORSK INSPIRASJON

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

Voss herad er Årets nynorskkommune: – Det same som verdsmeister i nynorsk

Kulturdepartementet heidrar Voss herad for klar og tydeleg informasjon på nynorsk under koronakrisa. – OL-og VM-medaljer har me i bøtter...

MEST LESE

Gratis boktips til nettsidene til bibliotek og skular

No kan du få siste bokmeldingar, bokomtalar og forfattarintervju frå Lesedigg.no direkte inn på nettsidene til biblioteket eller skulen din. I juni opna den nye...

125 årsjubileum for Tarjei Vesaas : – Kanskje den fremste litteraturen som er skriven i dette landet

Som tenåring gjekk Tore Renberg til lokalavisa for å kjøpe eit portrett av forfattaridolet sitt, medan kultur- og likestillingsminister Anette Trettebergstuen framleis sit med...

Språksjov-Linda vedgår: – Mange vil gjerne inn i skåpet mitt

Dette er det andre intervjuet i årets sommarserie. Mykje moro og mange bilete av den fargerike vossingen og sjefen for den populære...

Guri Vesaas får Storegutprisen under Litteraturdagane 2022

På Litteraturdagane i Vinje blir tidlegare redaktør i Det Norske Samlaget, Guri Vesaas, heidra med Storegutprisen. Ho får prisen spesielt for den...