Heim Nyhende Nynorsk grunnlov til klasseromma

Nynorsk grunnlov til klasseromma

Denne veka sender Noregs Mållag ut A2-plakatar med Grunnlova til alle dei vidaregåande skulane i heile Noreg.

– Eg vonar at Grunnlova vert eit lest dokument. Eg tykkjer det er fint at folk no kan få lese og diskutert Grunnlova, som er grunnlaget for demokratiet vårt. Det har jo ikkje vore så enkelt før, seier leiar i Noregs Mållag Marit Aakre Tennø på telefon til Framtida.

LES OGSÅ: Nynorskkurs med Facebook-suksess

Folkets grunnlov
Den 6. mai i år vedtok Stortinget ei språkleg modernisering av Grunnlova og dermed fekk me i Noreg ei modernisert grunnlov, som er lettare å lesa og å forstå enn originalen. Mållagsleiaren er godt nøgd med at nynorskversjonen av grunnlova no vert folkeversjonen.

– Mållaget vil vere med å bidra til eit ordskifte om Grunnlova og grunnlaget for demokratiet vårt i klasserom over heile landet. Difor sender me ut ein veggplakat til alle vidaregåande skular i heile landet slik at dei alle kan lese Grunnlova vår, på nynorsk, fortel Marit Aakre Tennø, leiar i Noregs Mållag, i ei pressemelding.

LES OGSÅ: #nynorskgrunnlov

Veggpryd frå Mållaget
Tennø meiner at utsendinga av grunnlovsplakatar er ei fin markering av 200-årsjubileet og ei hylling til folkestyret og eit ynske om at me òg i framtida skal ha eit samfunn der alle har ei røyst.

– Mange har ynskt seg ein plakatversjon av Grunnlova. Det vart det også ynskt frå talarstolen i Stortinget, så det skulle berre mangle at me ikkje tek den utfordringa, seier Marit Aakre Tennø, som sjølvsagt skal hengje opp si nye grunnlov heime i Luster.

Sjå plakaten her.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Alt gjer seg betre på nynorsk

Prisvinnar Øystein Furevik gir folk nynorsk i ei verd prega av engelsk. For han er nemleg alt betre på nynorsk. – For meg er nynorsk...

Nynorsk kultursentrum stiller opp for Det Norske Teatret

Det Norske Teatret troppa opp på Festspela for å lansere si nye kampanje for å tette finaniseringsgapet som har utvikla seg samanlikna med Nathionaltheatret....

Nynorsk barnelitteraturpris til Markus Lantto og Camilla Kuhn

Forfattar Markus Lantto og illustratør Camilla Kuhn har fått Nynorsk barnelitteraturpris 2022 for boka Kåre og Marimba hjelper til gjeven ut på Samlaget. – Juryen...

Ber storsamfunnet syta for at retten til eige språk og kultur er reell

Landstinget til LNK Nynorskkommunane kom med støtte til samar, kvener, norskfinnar og skogfinnar. – Me i LNK Nynorskkommunane var samla til landsting same dag som...