Heim Nyhende Nynorsk kultursentrum er Årets museum

Nynorsk kultursentrum er Årets museum

– Den beste ideen er enno ikkje tenkt, seier Ottar Grepstad.

 

– Å bli Årets museum i konkurranse med så sterke kandidatar som Nordnorsk kunstmuseum og Munchmuseet er berre fantastisk, seier styreleiar Lodve Solholm i Nynorsk kultursentrum. Under det nasjonale museumsmøtet på Hamar onsdag tok han imot den gjeve prisen saman med direktør og leiarane for Aasen-tunet og Hauge-senteret.

I grunngivinga si kalla juryen Nynorsk kultursentrum ein pioner i museums-Noreg med «en bemerkelsesverdig offensiv og framtidsrettet strategi».

– Dei orda er som det finaste Hauge-diktet for oss, og no får vi berre lyst til å gjere endå meir. Den beste ideen er enno ikkje tenkt, jublar direktør Ottar Grepstad.

– Denne æra deler vi med millionar av gjester og brukarar, utøvarar og samarbeidspartar, stiftarar og sponsorar. Alt vi gjer, skal vere til nytte for nokon. Vi ønskjer ganske enkelt å vere det rause museet – ein viktig samfunnsinstitusjon med fagleg tyngd, stor tillit og overraskande initiativ som gir resultat.

LES OGSÅ: Løftar fram reklamespråket

Over 200 medarbeidarar på 17 år
Nynorsk kultursentrum blei stifta i 1993 og er no eit konsern med 18 fast tilsette i fleire driftsavdelingar. Aasen-tunet på Sunnmøre er det eldste språkmuseet i verda, Hauge-senteret i Hardanger det einaste lyrikksenteret i Noreg, Allkunne det einaste redigerte oppslagsverket på nynorsk, språk- og litteraturfestivalar blir arrangerte i Ulvik og Ørsta/Volda, og ved årsskiftet kjem ein samla plan for Vinje-senteret i Vest-Telemark.

– Vi har 18 fast tilsette og har på 17 år hatt så mange medarbeidarar på heiltid, deltid og i engasjement at måndag tok medarbeidar nr. 206 til, fortel Grepstad. – Dei har alle gjort sitt, og utan gode styre og styreleiarar hadde vi aldri vore der vi er no.

Driftsbudsjettet for 2015 er på 27 millionar, og Nynorsk kultursentrum har hatt sponsoravtalar heile tida sidan Aasen-tunet opna i 2000. – For kvar ekstra krone vi får i offentlege tilskot, skaffar vi ei krone sjølv. Alle store investeringar har vore gjennomførte innanfor vedtekne budsjett, seier Solholm. – Difor er det ei god investering å satse på oss.

LES OGSÅ: – Eit kraftsentrum for poesi i Noreg

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...
Vidaregåande skule

Føreslår å fastsetja hovudmål på vidaregåande skular

I forslaget til ny opplæringslov føreslår regjeringa fleire større og mindre endringar til språk på skulane. Departementet føreslår blant anna: å vidareføra at kommunen skal...

Frieriet i Todalen – kva skjer med Vangsgutane no?

Vi har intervjua tekstforfattar Kjartan Helleve om dei siste hendingane rundt teikneseriefigurane Vangsgutane, som kom fram i siste utgåva om dei ved juletider. Faste...