Nynorsk kultursentrum i Ørsta hadde sitt beste kommersielle år nokosinne i 2013.
Stiftinga fekk eit overskot på 1,3 millionar kroner, og har aldri før hatt fleire besøkjande i tillegg til å ha auka eigne inntekter, skriv Nett.no.
Talet på besøkjande i sjølve Aasentunet i Hovdebygda, steig frå nesten 22.000 i 2012 til nesten 30.000 i 2013. I tillegg fekk institusjonen meir økonomisk støtte frå stat, kommune og private institusjonar i fjor. Det gjorde at sjølv om tilskotet frå staten krympa i 2013, auka likevel samla tilskot med nesten 1,6 millionar.
Fleire arrangement og større aktivitet har trekt fleire gjester, spesielt i samband med «Språkåret 2013», skriv nettstaden.
Utvidar
I år investerer Nynorsk kultursentrum i Olav. H. Hauge-senteret i Ulvik i Hardanger med offisiell opning 4. september. Innan 2018 kan eit senter for Journalistikk og Dikting vere på plass i Vinje i Telemark, til 200-årsjubileet for forfattar og journalist Aasmund Olavsson Vinje. (©NPK)
