Heim Nyhende Nynorsk kultursentrum seier nei til fylkesmuseum

Nynorsk kultursentrum seier nei til fylkesmuseum

 – Nynorsk kultursentrum takkar nei til å vere med i eit fylkesmuseum i Møre og Romsdal. Alle tilsette, eit samla  råd og eit samrøystes styre står bak den avgjerda, seier  direktør Ottar Grepstad.

 

– Vi er den einaste nasjonale kulturinstitusjonen mellom Bergen og Trondheim, har 24 stiftarar frå Tromsø og sørover, har samlingar frå heile landet og driv museum i fleire fylke. Ein slik institusjon har ikkje noko i eit fylkesmuseum å gjere.

Møre og Romsdal fylkeskommune arbeider no med ein museumsplan for fylket. Planen for det arbeidet har vore ute på høyring med eit overordna spørsmål om det er grunnlag for å slå dei seks musea i fylket saman til eitt fylkesmuseum. I ei omfattande høyringsfråsegn legg Nynorsk kultursentrum den saka død for sin del.

 

Sjølvstendige institusjonar

I fråsegna viser Nynorsk kultursentrum til at Stortinget no legg vekt på at musea skal ha ei fagleg fri stilling med armlengds avstand til offentlege styresmakter. Då må institusjonane sjølve avgjere korleis dei vil organisere arbeidet sitt utan noka form for økonomisk eller anna press frå fylke eller stat.

«Nynorsk kultursentrum har i alle år lagt til grunn at vi er ein sjølvstendig kulturinstitusjon med armlengds avstand til alle offentlege styresmakter. Den posisjonen har vore ein nødvendig føresetnad for det vi har utretta og oppnådd», heiter det i fråsegna.

Der går Nynorsk kultursentrum inn for å utvide grunnlaget for offentleg museumspolitikk. I seinare år har dei såkalla fire F-ane vore framheva – forsking, formidling, forvaltning og fornying. «Nynorsk kultursentrum tek med denne høyringsfråsegna initiativet til at ein femte F for fridom blir innført i offentleg museumspolitikk. På den måten blir det institusjonelle sjølvstendet tematisert og formalisert i alt arbeid med vidare utvikling av norske museum», skriv styret.

 

Deler gjerne erfaringar

Nynorsk kultursentrum ser det som positivt at Møre og Romsdal fylkeskommune vil avklare si eiga rolle som tilretteleggjar overfor musea og gi tydelege signal om økonomiske prioriteringar, og vi deltek i planarbeidet med erfaringane våre, skriv styret i fråsegna.

Samstundes er styret kritisk til forarbeidet. «Fylkeskommunen burde ha gjort eit grundigare og meir systematisk forarbeid med høyringsdokumentet, involvert musea frå første stund og på den måten tidleg ha kunna avklara rammene for museumsplanen», meiner Nynorsk kultursentrum.

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Stillingsutlysing: Vil du få til meir MÅL på Jæren?

Stillingsutlysing: Er du glad i målet ditt, nynorsk og vil få fleire til å gleda seg over dialekta si og nynorsken? Er du i tillegg...

Språkrådet ber avisene sikre nynorskdelen i framtida

Nynorskavisa Kvinnheringen kan publisere Amedia-tekstar og meiningsinnlegg på bokmål, men trur ikkje dei vil skrive mindre nynorsk framover. – Det som overraska mest var nok...

Litteraturbåten Epos inviterer til litteraturcruise i Hardanger heile sommaren!

No kan du bli med den gamle bokbåten på tur blant bøker, bølger og bygder i Hardanger! Den 61 år gamle båten Epos har vore...

Nynorsk litteratur der ute – og heim igjen

Korleis har litteratur på mindretalsspråket nynorsk enda opp med å vinne internasjonale prisar? Og kvar går vegen vidare? Dette er nokre av spørsmåla du kanskje...