Heim Nyhende Vil rydda vekk tvil om samanslåing

Vil rydda vekk tvil om samanslåing

– Det er viktig å bli ferdig med inntektssystemet til kommunane før folkerøystingane, seier Unge Venstre-leiaren.

Denne veka går det truleg mot slutten på forhandlingane mellom Venstre og regjeringspartia om nytt inntektssystem for kommunane. Då blir det klart kva småkommunane må klara seg med, dersom dei ikkje slår seg saman.

Fleire kommunar har allereie hatt folkerøystingar om samanslåing. Måndag 25. april skal ei rad med nye kommunar ha folkerøysting. Totalt skal nesten 200 kommunar ha folkerøysting om kommunesamanslåing no i vår.

LES OGSÅ: – Det blir svindyrt å vera liten kommune

Gulrot og pisk
Unge Venstre-leiar Tord Hustveit meiner det er viktig at det nye systemet sikrar at det er gunstig å slå seg saman.

– Det beste hadde vore om ein hadde sagt kva oppgåver kommunane skal løysa og at inntektene hadde følgt desse, men inntektene er òg ein måte å gå fram på, seier Hustvedt.

Han er nøgd med gulrøtene som kommunane får for å slå seg saman (sjå faktaboks!), men meiner det òg er viktig å følgja opp med samferdselsprosjekt for betra samferdsel internt i dei nye kommunane.

– Kvifor meiner du me bør få større kommunar?

– Det er viktig å få ein kommunestruktur som matchar bu- og arbeidsmarknadane. Unge Venstre er òg opptatt av at me må få eit godt tenestetilbod i kommunane. Etter Samhandlingsreforma ser me at det er fleire kommunar som blir for små til å løysa desse oppgåvene på ein god måte åleine.

LES OGSÅ: «Pressa til eit ja»

Opnar for å gå mot folkerøystingar
Unge Venstre-leiar Tord Hustveit meiner det er kommunestyra som bør ta den endelege avgjerda om kommunesamanslåing, og viser til at folk fekk stemma i kommunevalet i haust.

Mange lokalparti har lova å følgja fleirtalet i folkerøystingane.

– Kor høg valdeltakinga er må vurderast i samband med legitimiteten til folkerøystinga. Eg meiner det må bli ei vurdering om ein vil gå mot resultatet òg utifrå omsynet til svake grupper som kan få eit svekkja tilbod utan ei samanslåing.

SJEKK SJØLV! Korleis er det å vera ung i kommunen din?

FAKTA:

Kommunar som slår seg saman får dette i støtte:

• Eingongskostnader
• Reformstøtte
• Basistilskotet på 13,2 millionar kroner for kvar kommune går med inn i den nye kommunen i 15 år, med ei nedtrapping i fem år etter dette.
• Kommunar under 3200 innbyggjarar får halda på småkommunetillegget på 5,4 millionar kroner inn i den nye kommunen i 15 år, med ei nedtrapping etterpå.

DØME:

På måndag skal mellom anna Stord og Fitjar ha folkerøysting. Dersom Fitjar og Stord slår seg saman vil den nye kommunen få dette:
• 25 millionar til eingongskostnader i 2017
• 20 millionar i reformstøtte i 2019
• 5,4 millionar året i 15 år i småkommunetillegg og så ei nedtrapping i 5 år
• 13,2 millionar i året i 15 år basistilskot og så ei nedtrapping i 5 år:
Totalt 324 millionar kroner i løpet av 15 år + nedtrapping.

NYNORSK INSPIRASJON

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

MEST LESE

– Éin nynorskmillion er ikkje nok

– Det er avgjerande at Teater Vestland får auka tilskot i ei krevjande tid, men Støre-regjeringa har samla sett ikkje levert godt nok for...

Jublar over nynorskstøtte

Nynorsk bedriftsforum er tildelt 950 000 kroner frå spelemidlane for 2025. Midlane er fordelte av Kultur- og likestillingsdepartementet og skal gå til vidare utvikling...

Trond (39) er tilsett i LNK – skal styrka nynorsk i skulen i Rogaland

Landssamanslutninga av nynorskkommunar har tilsett Trond Salte (39) for å få fart på prosjektet «Meir mål på Jæren». – Det er makelaust gildt! seier Trond...

Årsrapport for LNK 2023–2024

Annakvart år, i samband med årsmøtet og landstinget i LNK, legg organisasjonen fram ei fyldig årsmelding og revidert rekneskap for dei siste to driftsåra....