Nettsida Berteogiver.no er eit tilbod til barn som likar å spele og leike på nett, og alt som finst her er på nynorsk.
Berteogiver.no er som eit stort hus kor ungane kan gå frå rom til rom og utforske, lese og leike. På kjøkkenet kan du skrive på kjøleskåpet, i leikerommet er det papirdokker med klede som du kan pynte, og i observatoriet kan du vere med og teikne stjernebilda, for å nemne noko. Det er mange aktivitetar i kvart rom, og det vil bli fylt på med meir etter kvart, melder Nynorsksenteret, som står bak nettsatstinga.
Det er Martine Grande som har laga teikningar og animasjonar og filmar på sida, medan Håvard Krøvel-Velle har stått for utforminga av sida. Nynorsksenteret har i tillegg laga ein manual for korleis ein best kan bruke nettstaden.
