Heim Nyhende Nynorsk-vakuum blant landets største bedrifter: – Definitivt ikkje likestilt med bokmål

Nynorsk-vakuum blant landets største bedrifter: – Definitivt ikkje likestilt med bokmål

 
Berre fem av 500 bedrifter skreiv årsrapporten sin på nynorsk.

Forskar Guro Sanden ved Göteborgs universitet har granska kva skriftspråk dei norske toppbedriftene brukte i årsrapporten sin i 2015.

Av dei 500 bedriftene som dukka opp på tidsskriftet Kapital si årlege liste over landets største bedrifter målt utfrå avkasting, skreiv 81 prosent årsrapporten på norsk.

Men berre fem av dei skreiv på nynorsk.

Det melder Forskning.no.

– Definitivt ikkje likestilt med bokmål

Dei fem bedriftene som nytta nynorsk var Coop Vest SA, Bremnes Fryseri AS, Fjord1 AS, Sogn og Fjordane Energi AS and Sparebanken Sogn og Fjordane.

Desse bedriftene er alle frå nynorskområde, og språkforskaren trur slike kan motiverast til å halde på skriftspråket.

Men dersom nynorsken skal overleve i næringslivet, trur Sanden at det lyt språkleg regulering til:

– Slik situasjonen er i dag, er nynorsk definitivt ikkje likestilt med bokmål i næringslivet, og for å endra dette, må det nok ei politisk avgjerd til, utdjupar ho til Khrono.

Forskaren trur nynorsken vil verte ytterlegare marginalisert i Noreg, utan språkregulering.

Sanden meiner også ho ser ein tendens til at debatten for og imot engelsk har teke over for nynorskkampen i det norske samfunnet.

Les også intervjuet med Andrea (17) som lyt kjempe for nynorsk lærebøker: – Trudde det skulle vere likestilt på skulen

NYNORSK INSPIRASJON

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

MEST LESE

Årsrapport for LNK 2023–2024

Annakvart år, i samband med årsmøtet og landstinget i LNK, legg organisasjonen fram ei fyldig årsmelding og revidert rekneskap for dei siste to driftsåra....

Mållaget jublar: SV vil gjere språklova betre for nynorsken

SV har fremja ei rekkje forslag i Stortinget som vil gjere den nye språklova betre for nynorsken. – SV tar ansvar for å rydde...

Velkomen til landstinget til LNK! Sjå programmet og meld deg på her!

Statssekretær Trude Storheim (Ap) og direktør i Språkrådet Åse Wetås kjem saman med ei rekkje andre interessante innleiarar til landstinget til LNK 3.-4. juni...

Debatt: Lærarar som ikkje kan skrive nynorsk

Mange norsklærarar seier sjølve at dei ikkje er godt nok rusta til å undervise i nynorsk som sidemål. Det er djupt alvorleg. Universitet og...