Heim Nyhende Nynorskløft på Venstres landsmøte

Nynorskløft på Venstres landsmøte

Framleis eigen sidemålskarakter, 25 prosent nynorsk i NRK og stryka nynorskdidaktikk i lærarutdanninga er nokre av vedtaka frå Venstre sitt landsmøte.

I byrjinga av mars debatterte landstyret i Venstre nytt partiprogram. Då kom stortingspresentant for Venstre Sveinung Rotevatn og styremedlem i Noregs Mållag og politisk rådgjevar for byrådet i Bergen, Peder Lofnes Hauge med lovnad om eit nynorskløft

I tillegg til å halde fram med eigen karakter i sidemål, ønskte dei seg meir sidemål og tidlegare start med sidemålsopplæring i skulen.

I helga fekk dei med seg partiet sitt på ei styrking av sidemålsordninga.

– Venstre går no inn for ei ambisiøs styrking av sidemålsordninga. Vi vil framleis ha eigen sidemålskarakter, vi vil at opplæringa skal begynne tidlegare og vi vil styrke nynorskdidaktikken i lærarutdanninga, seier stortingsrepresent frå Sogn og Fjordane, Sveinung Rotevatn i ei pressemelding.

LES OGSÅ: Venstre vil avlysa 24. konsesjonsrunde

Nynorsk i andre fag
Landsmøtet går i tillegg inn for ei prøveordning der elevane får møte nynorsk i andre fag enn norsk i bokmålsområde, og at barnehagar skal få nynorske bøker og lydbøker.

– Norske elevar må få møte meir nynorsk i sine bokmålsdominerte kvardagar, seier Rotevatn.

Venstres landsmøte vedtok også at NRK skal bruke 25 prosent nynorsk på alle plattformer, mot dagens nynorskkrav i verbalinnslag i radio og fjernsyn, og vil sikre støtte til Det norske teatret i Oslo som brukar nynorske tekstar på scena.

Landsmøte søndag
Peder Lofnes Hauge er politisk rådgjevar for byrådet i Bergen og styremedlem i Noregs Mållag. Foto: Venstre/Flickr

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Nynorskhuset: Det nye, nynorske fyrtårnet

Denne helga opnar Nynorskhuset i Førde. Målet er rett og slett å bli eit nasjonalt kraftsentrum for språk og kultur. – Sogn og Fjordane er...

Nynorskbrukarar flest kjenner seg aksepterte og stolte – men 1 av 6 har fått negative tilbakemeldingar det siste året

Over 16 prosent av nynorskbrukarane har fått negative tilbakemeldingar for språkbruken sin det siste året. To tredjedelar av nynorskbrukarane er heilt einige i at dei...

Slutten for Ålesund som nynorskkommune: – Frykteleg synd

Ålesund har vore den største nynorskkommunen i landet sidan 2019. No vil det nyvalde fleirtalet i kommunestyret at kommunen skal bli språknøytral. Det skriv NRK...

Vi treng eit nynorskløft i lærarutdanningane

I dag er det beint fram tilfeldig om ein student går ut av lærarutdanninga med kunnskap og kompetanse til å gje nynorskelevane ei god...