Elevane som skulle avleggje eksamen i finansrekneskap ved Høgskolen i Ålesund sist veke kunne ikkje endre teksten frå bokmål til nynorsk, då ville oppgåva kunne slå krøll på seg.
Slik vart det i alle framstilit på den pedagogiske plattformen Fronter, kor elevane henta oppgåva si, melder Sunnmørsposten. På Fronter hadde altså faglærar lagt ut ei melding om at endring av test til nynorskversjon kunne medføre at tal i oppgåva endra seg eller i verste fall forsvann.
Student Johan-Andrè Eikrem seier til Sunnmørsposten at han opplever dette som ein måte å kamuflere at ein ikkje ønskjer å lage to versjonar av eksamen på. Han peiker på at offentlege utdanningsinstitusjonar pliktar å tilby eksamen i båe målformer, og seier han vart overraska over denne løysinga.
Også Noregs Mållag er overraska og oppgitte over denne melsinga studentane fekk.
– Hadde skulen hatt litt nase, så hadde dei tenkt på at dei fleste kommunane i regionen har nynorsk som hovudmål, og at det er mange studentar som også har det, seier skuleskrivar Ingar Arnøy til avisa.
Høgskolen i Ålesund fekk berre tilsendt oppgåva på bokmål, og seier til avisa at dei også reagerte på at den ikkje var på nynorsk. Skulen hadde 20 elevar som ønskte seg oppgåva på nynorsk, og gav ifølgje direktør Lasse Gallefoss beskjed til faglærar om at oppgåva måtte utarbeidast også på nynorsk.
Sunnmørsposten har ikkje fått tak i faglæraren for kommentar til saken.
