Heim Nyhende Prispengane dekkjer underskot

Prispengane dekkjer underskot

Stord kommune fekk 100 000 kroner som Årets nynorskkommune i 2009. No er mesteparten av pengane forsvunne i kommunalt underskot.

Av dei 100 000 kronene kommunen fekk av Kommunal- og regionaldepartementet har 10 000 kroner gått til barnelitteraturfestivalen Falturiltu og 10 000 til Stord Mållag, slik politikarane bestemte. Dei resterande 80 000 vart sett på bok medan komiteen for næring, miljø og kultur fann eit eigna prosjekt som ville komme folk flest til glede, melder til Haugesunds avis. Både språkkurs og den kulturelle skulesekken var aktuelle saker, fortalde ordførar Liv Kari Eskeland (H) til LNK i fjor.

Men Stord kommune gjekk med underskot i 2009. Dermed forsvann dei 80 000 til dekking av underskot, noko som først kom for ein dag då Stord mållag nyleg byrja etterlyse aktivitet knytte til prispengane i lokalavisa.

Rådmann Magnus Mjør seier dei 80 000 kronene ikkje var øyremerkte, og at slike midlar automatisk blir trekt inn når kommunen er i ein situasjon der underskot skal dekkast inn.

– Dette kan skje med alle midlar som kjem under kategorien frie inntekter i ein rekneskap, rekneskapsreglane styrer dette, seier han, og legg til at dette nok ikkje var ein utgang på saka verken administrasjonen eller politikarane såg for seg når den politiske komiteen i si tid utsette saka.

– Det er sjølvsagt ein trist lagnad for prisen om det endar slik. Dersom ein likevel skulle ønskja å nytta summen til gode nynorskføremål lyt det gjerast ei ny løyving, noko me så langt ikkje har diskutert.

Prisen Årets nynorskkommune vart delt ut første gong i fjor etter initiativ frå Kommunal- og regionaldepartementet. Det blir ny pris i år, men kva tid den blir delt ut er enno ikkje bestemt.

 

 

Førre artikkelVart fanga opp
Neste artikkelVil ordne opp

NYNORSK INSPIRASJON

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

Voss herad er Årets nynorskkommune: – Det same som verdsmeister i nynorsk

Kulturdepartementet heidrar Voss herad for klar og tydeleg informasjon på nynorsk under koronakrisa. – OL-og VM-medaljer har me i bøtter...

MEST LESE

Jan Olav Fretland er kurshaldar for komande kurshaldarar i kurset På sakslista. Foto: Samlaget og montasje

Kurs: Vil du bidra til å gjera kommunane betre på klarspråk og nynorsk?

Velkommen til kurs! Me skal bruka to dagar på å gå gjennom viktige reglar og råd for den som skal kursa offentleg tilsette. Hovudmålet med...

Lanserer ny og betre nettside for nynorske bøker

Nettsida nynorskbok.no er blitt oppgradert slik at det skal verte enklare å få oversikt over gode bøker på nynorsk. Nynorskbok.no er eit tilbod frå...

Nynorsk kultursentrum med på stjernelag i forsking 

Nynorsk kultursentrum er med i eitt av 82 prosjekt som får støtte frå ordninga for banebrytande forsking i  Noregs forskingsråd. Ibsen og Bjørnson opna den...

Ottar Grepstad med ny bok om bøker

Forfattar Ottar Grepstad kjem med boka Bokhistorier om bok- og forlagshistorie. – Bokhistorier er eit essayistisk og leksikalsk overflodshorn om bøker, forlag og forfattarar i...