Heim Nyhende Nytt forsøk med stemmerett for 16-åringar

Nytt forsøk med stemmerett for 16-åringar

Forsøksordninga med stemmerett for 16-åringar frå kommunevalet i 2011 blir truleg vidareført ved neste lokalval, varslar kommunalminister Jan Tore Sanner (H).

 

Stortingsrepresentant Sveinung Rotevatn frå Venstre spør i eit skriftleg spørsmål Sanner om korleis regjeringa vil følgje opp evalueringa. Torsdag kom svaret frå Sanner.

 

Der står det at regjeringa ikkje vil lovfeste stemmerettsalder på 16 år, men at departementet har merkt seg det politiske engasjementet i saka.

– Departementet tek difor sikte på å vidareføre forsøksordninga med nedsett stemmerettsalder ved kommunevalet i 2015, skriv Sanner.

– Svært gledeleg
Rotevatn ser positivt på svaret frå regjeringa.

– Det er svært gledeleg at regjeringa vil la 16- og 17-åringar stemme også ved neste lokalval. Det gir moglegheit til å skaffe meir kunnskap, og det gir fleire moglegheit til å delta i demokratiet, seier han til NTB.

LES OGSÅ: – Blir overkøyrt utan stemmerett

Håpar på utviding
Ved valet i 2011 deltok 20 kommunar i forsøksprosjektet med nedsett stemmerettsalder.

Stian Seland, leiar i Landsrådet for Norges barne- og ungdomsorganisasjoner (LNU), er også svært glad for at forsøket held fram.

– Eg håpar også at talet på kommunar som får vera med blir utvida, slik at alle som ønskjer å delta i stemmerettsforsøket får lov til å delta, seier han til Framtida.no.
I 2011 var det 143 kommunar som søkte om å få vera med. Allereie har Oslo bystyre vedtatt at dei vil søkja om å delta i stemmerettsforsøket.

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Nynorsk rettskriving

Færre elevar har nynorsk som hovudmål

No har ein av ni elevar nynorsk som opplæringsmålform. Leiar ved Nynorsksenteret er ikkje overraska, men ser det òg i samanheng. 11,4 prosent av norske...

Nynorskkommunane støttar økonomisk likestilling for Det Norske Teatret

Styret i Nynorskkommunane – LNK stiller seg bak Tett gapet – aksjonen for å auka tilskotet til Det Norske Teatret. Nynorskteateret i hovudstaden manglar 30...
Språkrådet og språkdirektør Åse Wetås meiner den nye læreplanen kan svekkje den samla norskkompetansen til elevane. Foto: Moment Studio/Språkrådet

Undersøking: Nynorsken står svakt i lærarutdanninga

I ei undersøking går det fram at mange lærarstudentar kan fullføre studiet utan å bli vurderte i nynorsk. Over 70.000 elevar her i landet...

BankID også på nynorsk

I 20 år har BankID vore tilgjengeleg på bokmål og engelsk. No er nynorsk eit alternativ for dei som ønskjer det. Nyheita om at BankID...