Den nynorske nyhende- og debattavisa for unge blir lagt merke til.
I løpet av 2014 har over 336.000 unike brukarar vore innom Framtida.no – det er ein auke på 31.000 samanlikna med i fjor – og ny rekord.
Talet på daglege og vekentlege brukarar auka også i 2014. I snitt har nær 10.000 unike brukarar vore innom Framtida.no kvar veke hausten 2014.
Framtida.no blei omtalt 328 gonger i andre medium i 2014, nær ei dobling frå året før.
– Dette er svært gledelege tal, og viser at me lagar journalistikk som blir lagt merke til, seier redaktør Svein Olav Langåker.
Les heile den redaksjonelle rapporten her: http://framtida.no/articles/redaksjonell-rapport-for-2014
Landssamanslutninga av nynorskkommunar var blant stiftarane av Framtida.no i 2010.
