Heim Nyhende Nytt seminar: Leseglede og lærelyst med nynorsk barnelitteratur

Nytt seminar: Leseglede og lærelyst med nynorsk barnelitteratur

På sjølvaste Verdas bokdag 23. april blir tilsette i barnehagar, bibliotek og skular invitert til seminar i Suldal om formidling av nynorsk barne- og ungdomslitteratur.

 

– Me arrangerer dette seminaret for å visa fram den rike barne- og ungdomslitteraturen på nynorsk og me visa korleis denne kan formidlast til endå fleire lesarar, seier Svein Olav Langåker i Landssamanslutninga av nynorskkommunar.

Forfattar og seniorredatør i Samlaget Ragnfrid Trohaug kjem til seminaret for å snakka om den nynorske barnelesaren sine ukrenkelege rettar. Høgskulelærar ved Nynorsksenteret Janne Karin Støylen skal snakka om formidling av nynorske barnebøker og Elisabeth Rege, universitetslektor ved Lesesenteret, skal snakka om dialogisk lesing og vaksne som språklege rollemodellar. Anna Folkestad, forfattaren og illustratøren bak kjende barnebøker som Henrik And og Unni og Gunni er òg mellom dei som kjem.

Seminaret blir arrangert som eit samarbeid mellom Landssamanslutninga av nynorskkommunar, Nynorsksenteret, Samlaget, Ryfylkebiblioteka, Ryfylkemuseet og Fylkesbiblioteket i Rogaland.

Program for seminar 23. april:
09.15 Registrering og kaffi

09.45 Opning v/ordførar i Suldal Torkel Myklebust

09.55 Ragnfrid Trohaug, seniorredaktør ved Samlaget: Den nynorske barnelesaren sine ukrenkelege rettar og Leseland-satsinga til Samlaget.

10.35 Janne Karin Støylen, formidlar og høgskulelektor ved Nynorsksenteret: Om formidling, spesielt om satsinga «Nynorske lesegledarar»

11.15 Svein Olav Langåker, redaktør i Framtida.no og Pirion: om leselystsatsinga for ungdom i Framtida.no

11.30 Lunsj

12.15 Elisabeth Rege, universitetslektor ved Lesesenteret: Om dialogisk lesing og vaksne som språklege rollemodellar. Hentar døme frå Mopp og Mikko-prosjektet i Ølensjøen barnehage og Bokstavsommaren.

13.00 Petra Helgesen, redaktør Mangschou forlag: Kunsten å velje nynorskbok. Om føresetnader for god formidling og nye, gode bøker.

13.55 Pause med kaffi

14.10 Ingrid Holmboe Høibo, høgskulelektor ved Høgskolen i Telemark: Om formidling av bildebøker og kva som er ein god barnebokapp

14.50 Anna Folkestad, forfattar og illustratør – om formidling av barnebøker

15.35 Stig Beite Løken ved Rogaland fylkesbibliotek informerer om Hele Rogaland leser

15.45 Pause – me går ned til Ryfylkemuseet

16.00 Omvising i Lølandutstillinga ved Kjersti Moe ved Ryfylkemuseet og fingermat på Ryfylkemuseet

17.40 Båten går til Stavanger frå Sand. Framme i Stavanger 19.30.

Påmelding: gå til fylkesbiblioteket i Rogaland sine nettsider!

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Harselerer og hyller nynorsken i ny musikal

Are Kalvø og Ingrid Bjørnov har laga musikal inspirert av nynorsk (spynorsk) (m)ordliste og Ivar Aasen. 13. april har det satiriske stykket premiere på...

Norsk Barneblad – i takt med tida sidan 1887 – og truleg eldst i verda

Norsk Barneblad er truleg det eldste eksisterande bladet i verda for barn. Det har kome ut utan stans sidan 1887 og lever i beste...

Telemark fylkeskommune skal bruka minst 40 prosent nynorsk

– Eit godt og forpliktande vedtak, seier Noregs Mållag. Telemark fylkeskommune skal vera språkleg nøytralt og bruka minst 40 prosent nynorsk, har det nyleg blitt...

Desse endringane kan kome for nynorsken

Eit nytt spørjeord og nye kjønn på substantiv er noko av det Språkrådet har føreslått. Du har kanskje fått med deg at Språkrådet ønskjer at...