I Språkåret dukkar det opp stadig nye produkt og tiltak som skal auke språkforståinga vår. Eitt av dei er spelet om Harry N. Spelet skal lære barn å bruke nabospråka våre.
Utviklarane av spelet har hatt kollegaer frå Avdeling for lærarutdanninga med seg på laget. Spelet er førebels berre for pc, men det jobbast med å leggje det til rette også for mobil og nettbrett.
Prosjektleiar Trude Løvskar ved Mediesenteret seier på Høgskolen sine heimesider at spelet er tenkt som ein ressurs til undervisninga for barn mellom 8 og 12 år.
– Vi håpar også at studentar vil bruke det i samband med praksis i norskfaget, og at dei kanskje vil gi oss tips om korleis vi kan utvikle det vidare.
