Tospråklege barn har betre arbeidsminne enn eitt-språklege barn, viser studiar frå Spania og Canada.
Med arbeidsminne meinast evna til å halde, prosessere og oppdatere informasjon over kortare periodar. Arbeidsminnet er viktig for å kunne utføre ei rekkje aktiviteter, som hovudrekning og leseforståing.
Ifølgje morsmål.no kjem resultatet frå to studiar gjort av Granada Universitetet i Spania og York Universitetet i Toronto i Canada. Dei har testa barn i alderen fem til sju år, kor barna fekk utføre ulike oppgåver og testar kor arbeidsminnet vart sett på prøve på ulike nivå. Dei tospråklege barna svara raskare og meir nøyaktig, og gjorde gjennomgåande betre på oppgåvene.
Julia Morales Castillo ved Institutt for eksperimentell psykologi ved Granada Universitetet seier det å vere tospråkleg kan betre arbeidsminnet på ein isolert måte og påverke den globale utviklinga av utøvande funksjonar, spesielt når desse funksjonane samhandlar med kvarandre.
