Heim Nyhende Opna verdas minste litteraturhus

Opna verdas minste litteraturhus

I går opna det som truleg er verdas minste litteraturhus. Huset heiter Kalvatræet og ligg i Røldal i Odda kommune.

Kalvatreet er eit gamalt trehus med historiske røter, som no er blitt gjort om til ein møteplass for små, litterære arrangement.

– I Bokbua kan du kome med brukte bøker, bøker du gjerne er glad i, men som du no kan tenkje deg å selje vidare til nye lesarar, forklarar bibliotekar Else Marie Sandal. Sandal jobbar ved kommunebiblioteket i Odda kommune, og biblioteket bidrar til Bokbua med nokre timar arbeidskraft no og då.

– Gjenbruksperspektivet er viktig i Bokbua, seier ho, og fortel at huset vidare skal vere ein arena for forteljing, bokprat og lesestund. Sjølv om huset ikkje har faste, daglege opningstider, så vil dei prøve å halde ope i samaband med andre lokale arrangement. Til dømes når det skal arrangerast fjelljelg i Røldal om nokre veker. – Då kan vi i Bokbua ha fokus på fjell-litteratur, gode jakthistorier og liknande.

Sjølve huset, Kalvatreet, er eigd av Røldal bygdemuseum. Odda kommune går elles med planar om eit litteraturhus til. Litteratursymposiet i Odda er det kome opp tankar om ønskjer å gjere Lindehuset og det gamle sentralbadet på smelteverket i Odda om til eit litteraturhus. Då snakkar ein om litteraturhus av ein annan dimensjon enn Bokbua i Røldal, sjølvsagt.

– Bokbua i Kalvatreet er eit bittelite hus, ler Sandal. – Det skal lite til før det blir fullt hjå oss.

NYNORSK INSPIRASJON

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

Voss herad er Årets nynorskkommune: – Det same som verdsmeister i nynorsk

Kulturdepartementet heidrar Voss herad for klar og tydeleg informasjon på nynorsk under koronakrisa. – OL-og VM-medaljer har me i bøtter...

MEST LESE

Språksjov-Linda vedgår: – Mange vil gjerne inn i skåpet mitt

Dette er det andre intervjuet i årets sommarserie. Mykje moro og mange bilete av den fargerike vossingen og sjefen for den populære...

Guri Vesaas får Storegutprisen under Litteraturdagane 2022

På Litteraturdagane i Vinje blir tidlegare redaktør i Det Norske Samlaget, Guri Vesaas, heidra med Storegutprisen. Ho får prisen spesielt for den...

Rekordtal for nynorskinnhald i Store norske leksikon

I over 100 år var Store norske leksikon (SNL) nesten berre på bokmål. Men etter at SNL og Nynorsk kultursentrum gjekk saman...

Miljøstøtte frå Vestland til Framtida Junior

Framtida Junior vil laga til miljøjournalistkurs for barn og unge fleire stader i Vestland no i haust, og gje ut ei miljøutgåve...