Heim Nyhende Ordførarar går imot svartelisting av kommunar

Ordførarar går imot svartelisting av kommunar

Regjeringa vil sikre at ingen kommunar tar opp unødige lån før eventuelle samanslåingar. Fylkesmennene skal derfor kontrollere låneopptak. Det får ordførarar til å reagere.

 

Før sommaren sendte kommunal- og moderniseringsminister Jan Tore Sanner (H) ut eit høyringsforslag som inneber at fylkesmennene skal kontrollere alle låneopptak frå og med neste kommunebudsjett og ut 2017, skriv Nationen.

Føremålet er å unngå at norske kommunar «gjennomfører uheldige økonomiske disposisjonar og strategiske tilpassingar i forkant av kommunereforma», heiter det i forslaget.

I alt har 136 kommunar sendt inn høyringsutsegner, av dei er 117 er sterkt imot forslaget. Dei meiner det i praksis vil bety at kommunar over heile landet vil bli behandla som kommunane på Robek – «svartelista» over kommunar i økonomisk uføre.

– Dette oser av mistillit til lokalpolitikarar. Forslaget kan skape store problem for nyinvesteringar over heile landet. Viktige prosjekt kan bli sett på vent, fordi kommunane ikkje veit om fylkesmannen vil gi godkjenning eller ikkje, seier Kyrre Lindanger, Ap-ordførar i Bokn kommune i Rogaland.

Også Høgre-ordførarar reagerer. Så mange som 80 prosent av dei 30 Høgre-styrte kommunane som har levert høyringsutsegn, er imot forslaget til lovendring.

Kommunal- og moderniseringsdepartementet vil ikkje kommentere reaksjonane.

– Høyringsutsegnene er for tida til vurdering i departementet. Deretter vil vi konkludere i saka, seier statssekretær Jardar Jensen (H). (©NPK)

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Stillingsutlysing: Vil du få til meir MÅL på Jæren?

Stillingsutlysing: Er du glad i målet ditt, nynorsk og vil få fleire til å gleda seg over dialekta si og nynorsken? Er du i tillegg...

Språkrådet ber avisene sikre nynorskdelen i framtida

Nynorskavisa Kvinnheringen kan publisere Amedia-tekstar og meiningsinnlegg på bokmål, men trur ikkje dei vil skrive mindre nynorsk framover. – Det som overraska mest var nok...

Litteraturbåten Epos inviterer til litteraturcruise i Hardanger heile sommaren!

No kan du bli med den gamle bokbåten på tur blant bøker, bølger og bygder i Hardanger! Den 61 år gamle båten Epos har vore...

Nynorsk litteratur der ute – og heim igjen

Korleis har litteratur på mindretalsspråket nynorsk enda opp med å vinne internasjonale prisar? Og kvar går vegen vidare? Dette er nokre av spørsmåla du kanskje...