Forfattar Ottar Grepstad kjem med boka Bokhistorier om bok- og forlagshistorie.
– Bokhistorier er eit essayistisk og leksikalsk overflodshorn om bøker, forlag og forfattarar i norsk skriftkultur. Mellom dei lange linjene i nynorsk skriftkultur er det blitt god plass til minnerike hendingar og ukjende historier om folk som visste kva dei ville, skriv Grepstad i ei pressemelding,
Gjennom meir enn 15 år har Grepstad bygt opp eit folkeregister over dei 1500 som har skrive skjønnlitterære bøker på nynorsk eller dialekt frå og med Henrik Wergeland i 1842 til og med 2021. Manntalet viser at debutantane kom ut på nær 400 forlag, mange på eigne forlag, og nesten kvar femte på Samlaget.
– Heldigvis er der fleire som no arbeider ned bokhistorie. Diverre held dei seg mest på 1800-talet, eller dei skriv om bøker av forfattarar som det blir skrive ofte om. Noko av det viktigaste ved bok- og forlagshistorie er å sjå forbi plakatnamna og vise kor viktige andre forfattarar og forleggjarar har vore, som Erik Gunleikson i Risør, Bergitt Villesvik frå Sogn og Marius Evjeberg i Lofoten. Då kan ei slik bok utvide historia om lesing i eit samfunn, skriv Grepstad. (©NPK)
