Over 2 milliardar menneske er no på nett i verda, opplyser Den internasjonale telekommunikasjonsunionen (ITU).
– I starten av 2000 var det berre 500 millionar mobilabonnentar og 250 millionar internettbrukarar i verda, seier leiaren for FN-organisasjonen, Hamadoun Toure.
– I starten av 2011 har talet vokse til 5 milliardar mobilbrukarar og 2 milliardar internettbrukarar, seier Toure.
Ifølgje tala frå ITU var 2,08 milliardar menneske på nett ved utgangen av 2010. Det var 220 millionar fleire enn for eitt år sidan.
Med 6,8 milliardar menneske i verda, er nesten kvar tredje no på internett. 57 prosent av brukarane er i utviklingsland.
Talet på mobilabonnement nådde 5,28 milliardar ved årsskiftet, ein auke på 620 millionar frå eitt år tidlegare. (NPK)
