I dag opnar peer Gynt stemnet – med tradisjonelle oppsetningar og noko nytt.
Som alltid er det scenekunst, dans og musikk som står i høgsetet, alt «inspirert av tema frå dramaet Peer Gynt, og med naturen som ramme og medspelar», som det heiter i programmet.
– I år har vi premiere på framsyninga Utfor stupet, seier May Brit Styve ved Peer Gynt-stemnte til LNK.no. I Fryajuvet skal Peer Gynt utfordre forholdet sitt til kvinnene han har i livet sitt, og det skjer gjennom akrobatikk, dans, song og musikk – og stykket får ein ny dimensjon gjennom bruk av teknologi og 3D-mapping, altså projisering av bilde og film på eksisterande flater i naturen eller arkitekturen.
Sjølvsagt blir det også framsyning av Peer Gynt ved Gålåvatnet. I år, som mange år før, er det Dennis Storhøi som har rolla som Peer. Stykket har vore spela ved Gålåvatnet sidan 1989, og er den største produksjonen til stemnet. Det er Svein Sturla Hungnes som har regien.
Arve Tellefsen, Rein Alexander, Ina Kringlebotn og Camilla Granlien er nokre av dei som skal vere med og setje dagen med Morgonsteming ved Gålåavatnet. Aleksander Rybak held kyrkjekonsert saman med skodespelar Dennis Storhøi. Og den tradisjonelle høgfjellskonserten Ved Rondane har med seg utøvarar som Vinni, Rein Alexander, Ina Kringlebotn, Guro Kleven Hagen samt strykarar frå Peer Gynt kammerorkester.
Statsminister Jens Stoltenberg og skidronning Marit Bjørgen er utnemnd til årets Peer Gynt, ei ære som kvart år kjem ein person eller institusjon som har markert seg positivt på det samfunnsnyttige plan, og som har gjort Norge kjend i utlandet, til del. Det er representantane på Stortinget som bestemmer kven som skal få Peer Gynt-prisen, og i år vart det for første gong altså likt stemmetal for to som då får dele prisen. Prisen blir delt ut 3. august.
Peer Gynt-Stemnet vart arrangert første gong i 1928, den gongen som ei markering av hundreårsdagen til Henrik Ibsen. Frå 1967 har det vore Peer Gynt-stemne kvart år.
Direktør Eli Blakstad i Peer Gynt AS har tidlegare fortald til LNK-avisa om Henrik Ibsen i som i1862 reiste gjennom Gudbrandsdalen for å samle inn historier. Der møtte han truleg ein bonde som har inspirert han til teaterstykket om løgnaren, unnasluntraren og eventyraren Peer Gynt.
