Heim Nyhende Peter Hognestad-jubileet opnar på Bryne tysdag

Peter Hognestad-jubileet opnar på Bryne tysdag

Tysdag kveld 9. februar opnar Peter Hognestad-jubileet 2016 med ein stor kulturkveld i Bryne kyrkje i regi av Time historielag og Bryne sokneråd.

 

– Hognestad var saman med Elias Blix og Anders Hovden den fremste i arbeidet med å opne Den norske kyrkja for nynorskbrukarane, seier direktør Ottar Grepstad i Nynorsk kultursentrum i ei pressemelding. Han leier arbeidet med å feire 150-årsjubilanten lokalt og nasjonalt.

Den 9. februar møtest også representantar frå lokale og nasjonale institusjonar saman med slekta på Bryne for å drøfte det vidare jubileumsarbeidet og fastsetje ein førebels arrangementsplan. Det er alt klart at det blir arrangement på fleire stader i landet fram mot hovudmarkeringa på Jæren på 150-årsdagen 12. november.

Biografi av Per Halse

Peter Hognestad (1866–1931) frå Time på Jæren var biskop i Bjørgvin 1916–1931. Omsetjinga hans av altarboka blei teken i bruk i 1907, han var hovudredaktør for Bibelen på nynorsk i 1921, og han var ein av tre hovudredaktørar for Nynorsk Salmebok i 1925.

Først no blir den store biografien om dette livsverket skriven. Tidlegare rektor ved Høgskulen i Volda, Per Halse, bruker friåret sitt etter rektorgjerninga til å skrive det verket. I 2009 la han fram ei doktoravhandling om framveksten av nynorsk kyrkjespråk 1859–1908.

Ambisiøse mål

Peter Hognestad-jubileet blir gjennomført utan noka særskild løyving frå det offentlege. Likevel er måla ambisiøse, seier Ottar Grepstad.

– Gjennom dette jubileet skal vi dokumentere og formidle Peter Hognestads verk og samfunnsrolle, drøfte kyrkja si rolle i utviklinga av Noreg som eit fleirspråkleg samfunn, og vi vil fremje bruken av nynorsk i kyrkje og lekmannsrørsle. Såpass må det vere for ein som også omsette «Fager kveldssol smiler» og «Det hev ei rose sprunge», meiner Grepstad.

Peter Hognestad (1866–1931)

Fødd på Hognestad i Time 12.11.1866
Konfirmert av Lars Oftedal i Stavanger november 1881
Teologisk embetseksamen i Kristiania desember 1891
Omsette «Tekstbok og altarbok for Den norske Kyrkja» i 1900, godkjend til bruk i 1907
Omsette mellom anna «Fager kveldssol smiler» og «Det hev ei rose sprunge»
Underviste ved Menighetsfakultetet 1908–16
Biskop i Bjørgvin 1916–1931
Hovudredaktør for omsetjing av Bibelen til nynorsk 1916–21
Ein av tre hovudredaktørar for Nynorsk Salmebok 1921–25
Døydde i Bergen 1.9.1931

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Nynorsk teaterjubel i raudgrøn budsjettsemje

– Alle som er glade i nynorsk scenekunst, kan sende ein varm tanke og ei hjarteleg takk til Audun Lysbakken og SV. Det seier leiar...

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...