Heim Nyhende Planar om «nynorsk fyrtårn» i Førde

Planar om «nynorsk fyrtårn» i Førde

Fem utbyggjarar har levert skisser til eit nytt fellesbygg for NRK, Sogn og Fjordane teater og Firda Media i Førde, skriv lokalavisa Firda.
 

Målet er å samle kreative krefter som kan vere med på å skape vekst og utvikling i Førde, under same tak. Nynorsken skal vere fellesnemnaren og trumfkortet som skal gjere prosjektet til røyndom, skriv avisa.

– Vi ønskjer ikkje minst å byggje eit nasjonalt fyrtårn for det nynorske språket, som er pressa frå alle kantar av engelsk og bokmål, seier prosjektkoordinator Arve Sandal til avisa.

Prosjektet håper å finne ein utbyggjar som vil satse på dei tre føretaka som langsiktige leigetakarar. I tillegg er det aktuelt å få med ein del mindre kulturbedrifter.

LES OGSÅ: Sogn og Fjordane ønskjer seg Språkrådet

Sandal orienterte torsdag formannskapet i Førde kommune om planane, og der var responsen på eit slikt «Nynorskens hus» høveleg god.

– Det er nesten som vi må applaudere! Eg ivrar for at dette må vi få til, sa ordførar Olve Grotle (H) i Førde.

Neste steg er å presentere prospekta for Firda-eigar Amedia og NRK sentralt. (©NPK)

LES OGSÅ: Kamp om å vera nynorskhovudstad

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...
Vidaregåande skule

Føreslår å fastsetja hovudmål på vidaregåande skular

I forslaget til ny opplæringslov føreslår regjeringa fleire større og mindre endringar til språk på skulane. Departementet føreslår blant anna: å vidareføra at kommunen skal...

Frieriet i Todalen – kva skjer med Vangsgutane no?

Vi har intervjua tekstforfattar Kjartan Helleve om dei siste hendingane rundt teikneseriefigurane Vangsgutane, som kom fram i siste utgåva om dei ved juletider. Faste...