Heim Nyhende Poetisk tenking på Olav H. Hauge-senteret

Poetisk tenking på Olav H. Hauge-senteret

Den 9. og 10. november inviterer Hauge-senteret til seminaret Poetisk tenking og diktarrolla: tysk poesi og Olav H. Hauge.

 

Lyrikkseminaret vil ta opp ulike sider ved Hauges lyrikk i tilknyting til poetar som Novalis, Hölderlin og Celan, og norske samtidspoetar som Kjartan Hatløy og Jon Fosse.

Blant innleiarane er professor i nordisk og Hauge-kjennar Ole Karlsen frå Høgskulen i Hedmark. Førsteamanuensis Torgeir Skorgen reknast som ein av dei fremste Hölderlin- kjennarane i Noreg. Vestfrå kjem også dei framifrå lyrikkformidlarane Eirik Vassenden og Jørgen Sejersted, begge professorar ved Universitetet i Bergen. Heile tolv ulike innleiarar vil utforska sambandet mellom dikting og tenking desse dagane i Ulvik. Seminaret er ope for alle med interesse for lyrikk og lyrikkformidling.

Seminaret «Poetisk tenking og diktarrolla» skal vere eit lyrikkfagleg og kunnskapsproduserande forum som bidreg til auka interesse og fagleg innsikt i lyrikkens rolle og diktarens posisjon i samfunnet. Poeten si ideologiske rolle i offentleg debatt vil også bli tematisert. – Olav H. Hauge-senteret ynskjer å styrka lyrikkens rolle i norsk offentlegheit. Me vil fremja debatt om dei ulike rollene lyrikken har hatt og har, og ikkje minst kva lyrikkens rolle bør vera i vår eiga samtid, seier dagleg leiar Geir Netland ved Hauge-senteret om seminaret.

Hauge-senteret i Ulvik, Hardanger, er eit dokumentasjons- og formidlingssenter om Olav H. Hauge og lyrikk i mange former på tvers av språkgrenser. Som det einaste lyrikksenteret i landet er det ei viktig oppgåve å driva kunnskapsformidling om lyrikk og poesi.

Heile programmet ligg på Haugesenteret.no.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Den nye opplæringslova er ikkje god nok for nynorskelevane

Fredag 24. mars 2023 la Tonje Brenna fram forslag til ny opplæringslov. Norsk Målungdom synest det er fleire gode framlegg for nynorskelevane, men at...

Målblome til ålesundordførar Eva Vinje Aurdal

– Norske kommunar er viktige språkaktørar, og mellom 356 nyansar av kommunegrått har språket vårt både bøller og bestevener. Midt i det grå står...

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...