– Altfor få politikarar er flinke nok til å spisse bodskapen mot målgruppa, seier medieutviklar Trine Grung.
I neste nummer set LNK-avisa fokus på korleis lokalpolitikarane bør kommunisere i valkampen mot lokalvalet i 2011. Medieutviklar Trine Grung er ein av dei som gir sine råd til politikarane.
Grung skriv ein av landets mest leste bloggar, og gir bedrifter og organisasjonar råd om korleis dei skal bruke sosiale medium.
– Politikarane må delta og by på seg sjølv. For meg held det ikkje at ein politikar eg eventuelt fylgjer, berre snakkar om eigne ting. Han må også delta i samtalane og gi av seg sjølv. Då vinn ein i sosiale medium, meiner ho.
Les meir om korleis Trine Grung og andre meiner politikarane bør kommunisere i valkampen i neste utgåve av LNK-avisa.
