Heim Nyhende Pressemelding: Staten må ta ansvar

Pressemelding: Staten må ta ansvar

Pressemelding: – Staten må ta ansvar.

Ein kommentar frå Landssamanslutninga av nynorskkommunar (LNK) til oppslaget om nynorsk for innvandrarar på morgonsendinga til NRK fredag 12.02.10.

http://www1.nrk.no/nett-tv/klipp/608903 (18.45 minutt ut i programmet)

– LNK har i mange år på ulike måtar pressa på for å få staten til å ta eit større og direkte ansvar for å få arbeidd ut læremiddel på nynorsk for innvandrarar. Staten har på si side gjeve det praktiske ansvaret til Vox som vi samarbeider med om å få omarbeidd gode læremiddel på bokmål til nynorsk, få trykt ordbøker på fleire språk og få lest inn på cd standard nynorsk tale det som er i trykte læremiddel. Vi har fått utretta ein del, men det klart at det står uhorveleg mykje att når forholdet mellom målformene er som ein til tjue, seier styreleiar i LNK, Jan Magne Dahle.

– Her er to forhold: på den eine sida mange års forsømingar frå staten si side når det gjeld å sjå til at det verkeleg blir produsert læremiddel på nynorsk i norskopplæringa for innvandrarar. Det gjeld ordbøker på svært mange språk, lesebøker, grammatikkar, cd-ar osb. Eg meiner å ha registrert at det finst tjue gonger så mykje opplæringsmateriell for flyktningar og innvandrarar på bokmål som på nynorsk. Etter mitt syn ville det ha vore ein stor fordel om ein hadde ein tilsvarande regel som for grunnskule og vidaregåande skule at alt læremateriell skulle vere tilgjengeleg til same tid og same pris på bokmål og nynorsk, meiner Dahle.

Han legg også vekt på at læreverket NorskPluss er såpass komplett at dei lærarane og kommunane som ønskjer at norskundervisninga skal vere på nynorsk, kan gjere det med godt samvit. Jan Magne Dahle meiner rådmenn og kommunestyre her må ta ansvar og vedta endringar.

– Det kan kjennast tungt å skifte undervisningsmålform for lærarar som i mange år har basert seg på eit godt utval av undervisnigsmateriell på bokmål, til noko som ikkje er så variert, men som likevel er tilfredstillande. LNK registrerer også at det i somme nynorskkommunar er folk som har ansvar for tilrettelegging av undervisning som argumenterer med at flyktningar og innvandrarar er best tente med å lære bokmål. Skal LNK lykkast med å få til ein god variasjon i læremiddel på nynorsk for desse gruppene, er det viktig at desse læremidla blir tekne i bruk, seier Jan Magne Dahle.

For meir informasjon, ta kontakt med

styreleiar i LNK,

Jan Magne Dahle

97 15 76 80

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Alt gjer seg betre på nynorsk

Prisvinnar Øystein Furevik gir folk nynorsk i ei verd prega av engelsk. For han er nemleg alt betre på nynorsk. – For meg er nynorsk...

Nynorsk kultursentrum stiller opp for Det Norske Teatret

Det Norske Teatret troppa opp på Festspela for å lansere si nye kampanje for å tette finaniseringsgapet som har utvikla seg samanlikna med Nathionaltheatret....

Nynorsk barnelitteraturpris til Markus Lantto og Camilla Kuhn

Forfattar Markus Lantto og illustratør Camilla Kuhn har fått Nynorsk barnelitteraturpris 2022 for boka Kåre og Marimba hjelper til gjeven ut på Samlaget. – Juryen...

Ber storsamfunnet syta for at retten til eige språk og kultur er reell

Landstinget til LNK Nynorskkommunane kom med støtte til samar, kvener, norskfinnar og skogfinnar. – Me i LNK Nynorskkommunane var samla til landsting same dag som...