Asbjørn Rydland har fått Nynorsk barnelitteraturpris for den andre fantasyboka om Drakeguten, Eld i hjartet. Marit Eikemo har fått Nynorsk litteraturpris for boka Samtale ventar.
Prisane er på 30 000 kroner kvar. Det er Noregs Mållag som står bak barnelitteraturprisen, medan dei har med seg Det Norske Teatret og Det Norske Samlaget som givarar av litteraturprisen.
Prisane vart delte ut på Noregs Mållag sitt landsmøte i Oslo som opna i dag. Landsmøtet held fram heile helga. Frå programmet kan ein blant anna nevne Øystein Vangsnes som skal snakke om fleirspråklege fordelar og språrådsdirektør Arnfinn Muruvik Vonen som skal ta for seg mållova og kva som skal til for at staten skal følgje mållova. Sidemålsdebatten kjem til å vere sentral under landsmøtet, blant anna skal Hanna Lehti-Eklund ta for seg korleis ein kan lære av sidemålsopplæringa i Finland. Storvervar Oddny Miljeteig, som i stor grad bidrog til at Noregs Mållag fekk 2 028 nye medlemer i vinter, skal òg få ein velfortent takk under landsmøtehelga.
