Noregs Mållag delte ut to nynorskstipend, kvar på 50 000 kroner på landsmøtet i helga. Jostein O.Mo fekk stipendet for å hjelpe frivillige lag å få lagslovene sine på nynorsk, medan Merete Bratsberg Aae fekk støtte til å lage ein sidemålsblogg.
I grunngjevinga heiter det at Jostein O. Mo vil gjere eit viktig arbeid på eit felt der nynorsken ikkje har vore så synleg. Det blir lagt vekt på at han har lang røynsle frå dette feltet og har sett eit behov som han har god kompetanse til å hjelpe med. Han vil hjelpe frivillige lag å få lagslovene sine på nynorsk, han har også tidlegare omsett lovnormene for idrettsråd og idrettslag. Merete Bratsberg Aae er lærar på Averøy på Nordmøre får også stipend til å lage ein felles sidemålsblogg der ungdom kan bidra og skrive om tema som ungdom er opptekne av.
Mo ser føre seg at ein skal kontakte eit utval frivillige organisasjonar på landsplan med tilbod om å hjelpe fram nynorsk omsetjing av møtevedtekter. I tillegg vil han lage ei juridisk ordliste for friviljuge organisasjonar der vanlege formuleringar frå organisasjonslivet på bokmål vert jamstilte med nynorske. Jostein O.Mo ser for seg å kunne vere litt rådgjevar for dei som vil arbeide fram lagsverktøy på nynorsk.
– Med si breie røynsle og spennande prosjekt trur me Jostein 0. Mo gjennom dette stipendet kan få til nynorsk på eit felt som mållaget sjølv har ynskt å ta tak i ei stund, og ikkje minst på eit felt der nynorsken i dag er svært vantande, skriv Noregs Mållag i ei pressemelding.
Merete Bratsberg Aae er lærar på Averøy på Nordmøre. Ho får stipend til å lage ein felles sidemålsblogg der ungdom kan bidra og skrive om tema som ungdom er opptekne av.
– Stipendsøkjaren er lærar og ikkje frå kjerneområdet for nynorsken. Likevel syner ho gjennom stipendsøknaden eit ekte engasjement for nynorsken. Noregs Mållag er viss på at det arbeidet som det her vert søkt om, vil vere eit godt bidrag til den nasjonale dugnaden for meir nynorsk i kvardagen.
Målet er å lage ein felles sidemålsblogg der alle deltakarane kan bidra og skrive om tema som ungdom er opptekne av. Målet er å knyte desse temaa til eit medvit om kva språk tyder for identitet.
