Heim Nyhende Professor fryktar nynorsk kan bli borte som rettsspråk

Professor fryktar nynorsk kan bli borte som rettsspråk

Dersom det ikkje blir gjort noko for å premiera bruken av nynorsk som fagspråk i akademia fryktar professor at nynorsk blir borte som rettsspråk.
 
– Om ikkje kursen blir endra, vil nynorsk som rettsspråk forsvinna om 20 år. Eg er alvorleg bekymra fordi så få studentar i dag vel nynorsk, seier professor og rettshistorikar Jørn Øyrehagen Sunde ved Universitetet i Bergen (UiB) til universitetsavisa På Høyden.

Også Språkrådet er bekymra, og språkdirektør Åse Wetås etterlyser ei incentivordning.

Premieringssystemet må endrast

Det trengst meir enn gode intensjonar, meiner professor Jørn Øyrehagen Sunde. Foto: Universitetet i Bergen.

Han meiner den viktigaste grunnen til at fleire og fleire vel engelsk som publiseringsspråk er at forskarar blir premierte for kor mange artiklar dei skriv på engelsk. Øyrehagen Sunde meiner dette systemet må endrast.

– Så lenge du har insentiv til å skriva engelsk, må du ha det same for å skriva norsk og nynorsk. Elles gir det seg sjølv korleis utvikling vil bi, trass gode intensjonar, seier han.

Ein fersk rapport frå Språkrådet viser at knapt ti prosent skriv doktorgraden sin på norsk og under ein prosent skriv henne på nynorsk. Blant dei som skriv masteroppgåve er det 2 prosent som skriv på nynorsk. (NPK)

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Språkrådet ber avisene sikre nynorskdelen i framtida

Nynorskavisa Kvinnheringen kan publisere Amedia-tekstar og meiningsinnlegg på bokmål, men trur ikkje dei vil skrive mindre nynorsk framover. – Det som overraska mest var nok...

Litteraturbåten Epos inviterer til litteraturcruise i Hardanger heile sommaren!

No kan du bli med den gamle bokbåten på tur blant bøker, bølger og bygder i Hardanger! Den 61 år gamle båten Epos har vore...

Nynorsk litteratur der ute – og heim igjen

Korleis har litteratur på mindretalsspråket nynorsk enda opp med å vinne internasjonale prisar? Og kvar går vegen vidare? Dette er nokre av spørsmåla du kanskje...

Nynorsk og bokmål må inn i Grunnlova

Det er på høg tid å grunnlovfesta norsk som nasjonalt hovudspråk i Noreg og grunnlovfesta jamstillinga mellom bokmål og nynorsk. Den formelle likestillinga mellom bokmål...