Økonomien sikra for den nynorske barne- og ungdomslitteraturfestivalen.
– Falturiltu er svært stolte og glade over å ha motteke støtte både frå Sparebanken Vest på 115.000 kroner og SKL på 50.000 kroner i året i tre år. Dette er ei stor fjør i hatten, og signal om at arbeidet me gjer me formidling av god nynorsk barne- og ungdomslitteratur blir verdsett. Saman med støtta frå Kulturrådet, Samlaget og HSH, gjev dette oss gode rammer for å laga den festivalen me drøymer om både i 2014 og åra som kjem, skriv festivalleiar Roald Kaldestad.
Falturiltu 2014 går av stabelen i 2.-7. November og i år er tema Fantasi og fanteri. Hovudfokus blir altså fantasy og beslekta sjangrar. Danske storseljaren Lene Kaaberbøl er stadfesta, og det same er Lars Mæhle, aktuell med andre bind i serien Landet under isen. Elles kjem Linda Eide, Finn-Erix, Erna Osland, Tor Arve Røssland og mange, mange fleire.
